گوگل نیوز پر ہمیں فالو کریںراولپنڈی: بھارتی فوج کی لائن آف کنٹرول پر بلااشتعال فائرنگ کے نتیجے میں 2شہری شہید، جبکہ 1شہری شدید زخمی ہوگیا۔
پاک فوج کے شعبہ تعلقات عامہ (آئی ایس پی آر) کے مطابق بھارت کی جانب سے آج 11 بجکر 55 منٹ پر ایل او سی کے سیکٹر ستوال میں اندھا دھند فائرنگ کی گئی، بھارتی فورسز نے چرواہوں کے ایک گروپ کو نشانہ بنایا، شہید ہونے والوں میں عبید قیوم اور محمد قاسم شامل ہیں، دونوں کا تعلق ضلع پونچھ کے گاؤں بارہ دری سے ہے۔
آئی ایس پی آرکے مطابق پاکستان اپنی مرضی کے انتخاب کے مطابق جواب دینے کا حق محفوظ رکھتا ہے، بھارت کو کشمیریوں کے بنیادی انسانی حقوق کے احترام کی یاد دہانی کرائی گئی ہے، کشمیریوں کی زمینوں پر کاشتکاری کا ناقابل تنسیخ حق بھی کشمیریوں کا ہے۔
آئی ایس پی آر کے مطابق معصوم کشمیریوں کے ساتھ معمول کا غیر انسانی رویہ اپنایا گیا، بھارت منصوبے کے تحت جھوٹے، من گھڑت بیانیے کی تسکین کیلئے معصوم جانوں کے درپے ہے۔
مزید پڑھیں:بھارت اور امریکا کے مشترکہ بیان میں پاکستان کا حوالہ گمراہ کن ہے۔پاکستان
پاکستان، بلااشتعال فائرنگ کے معاملے پر شدید سراپا احتجاج ہے، لائن آف کنٹرول پر کشمیریوں کی جانوں کے تحفظ کو ملحوظ رکھیں گے۔
