گوگل نیوز پر ہمیں فالو کریںیروشلم: اسرائیل میں چین کے سفیر اتوار کے روز تل ابیب کے مضافاتی علاقے میں واقع اپنی رہائش گاہ میں مردہ حالت میں پائے گئے ہیں۔
اسرائیلی پولیس کے ترجمان کے مطابق 58 سالہ ڈو وائی اتوار کی صبح تل ابیب میں واقع اپنی رہائش گاہ پر مردہ حالت میں پائے گئے۔ انہوں نے چینی سفیر کی موت کی وجہ نہیں بتائی۔
پولیس ترجمان کا کہنا ہے کہ پولیس واقعہ کی تحقیقات کررہی ہے جبکہ اسرائیلی ٹی وی کا کہنا ہے کہ چینی سفیر کی موت طبعی ہے اس حوالے سے شک کی گنجائش نہیں ہے۔
چینی سفارتخانے کی ویب سائٹ کے مطابق چینی سفیر ڈو وائی کو یوکرائن سے اسرائیل میں تعینات کیا گیا تھا اور انہوں نے ایک بیوہ اور بیٹے کو پسماندگان میں چھوڑ ا ہے۔
ان کی موت کی خبر اس وقت سامنے آئی ہے جب جمعہ کے روز امریکا کی جانب سے چین کو اسرائیل کیساتھ تعلقات میں دوری اختیار کرنے کی دھمکی دی گئی تھی۔
مزید پڑھیں: افغانستان میں بھارتی سرگرمیاں خطے کے امن کیلئے خطرہ ہیں۔فواد چوہدری
