گوگل نیوز پر ہمیں فالو کریںکراچی: دودھ کی قیمتوں کے تعین سے متعلق کمشنر اور ضلعی انتظامیہ کے اختیارات سندھ ہائی کورٹ میں چیلنج کردیئے گئے ہیں۔
عدالت عالیہ نے ابتدائی سماعت کے بعد ڈی جی بیورو سپلائی اینڈ پرائسز، کمشنر کراچی، سیکرٹری لا اینڈ پارلیمنٹری، سیکرٹری ایگریکلچرل اور دیگر سے جواب طلب کرلیا ہے۔
سندھ ہائی کورٹ نے تمام فریقین سے 13 اپریل کو وضاحت پیش کرنے کا حکم دیا ہے۔طارق منصور ایڈووکیٹ کی وساطت سے دائر درخواست میں موقف اختیار کیا گیا ہے کہ 12 سال پہلے دودھ کی قیمتوں کے تعین اور چھاپوں کا اختیار کمشنر کراچی کو دے دیا گیا۔
اس نوٹی فکیشن کے ذریعے دودھ اور دیگر اشیا ضروریہ کی قیمتوں کو کنٹرول کرنا جس محکمے کی ذمہ داری ہے اسے غیر فعال کردیا گیا۔
درخواست میں موقف اختیار کیا گیا ہے کہ محکمہ بیورو سپلائی اینڈ پرائسز میں 1163 ملازمین کا 65 کروڑ روپے بجٹ رکھا جاتا ہے۔ اس صورت حال میں کمشنر، ڈپٹی و اسسٹنٹ کمشنرز اور دیگر کو چھاپے مارنے کا اختیار دینا غیر قانونی ہے۔
عدالت عالیہ میں دائر درخواست میں مزید کہا گیا ہے کہ 1953 میں کراچی ایسنشئیل آرٹیکلز پراسیسنگ پروفیٹنگ اینڈ ہوڈنگ ایکٹ کراچی ڈویژن کے لئے نافذ کیا مگر عمل درآمد نہ ہوا، اس قانون میں غیر قانونی ذخیرہ اندوزی پر سزاں کا تعین کیا گیا تھا۔
مزید پڑھیں: آئی ایم ایف کی سخت شرائط، نیپرا نے بجلی مہنگی کرنے کا فیصلہ کر لیا
