گوگل نیوز پر ہمیں فالو کریںپاکستان کرکٹ بورڈ کے چیرمین سید محسن رضا نقوی کا قذافی اسٹیڈیم اور نیشنل کرکٹ اکیڈمی کا دورہ کیا ، محسن نقوی نے اسٹیڈیم اور اکیڈمی میں موجود سہولتوں کا جائزہ لیا۔
محسن نقوی کو نیشنل کرکٹ اکیڈمی کی رہائش کے معائنے اور اپ گریڈیشن سمیت جاری ترقیاتی منصوبوں پر بریفنگ دی گئی۔
چیرمین پی سی بی نے قذافی اسٹیڈیم میں سہولیات اور ڈریسنگ رومز کا جائزہ لیا اور انہیں HBL PSL 9 کی تیاریوں کے بارے میں بریفنگ دی گئی۔
دونوں نیشنل کرکٹ اکیڈمی اور قذافی اسٹیڈیم کے دورے کے دوران، انہوں نے نیسپاک، انفراسٹرکچر ڈویلپمنٹ اتھارٹی آف پنجاب (IDAP)، کمیونیکیشن اینڈ ورکس ڈیپارٹمنٹ کو ہدایت کی کہ وہ اس ہفتے کے آخر میں نیشنل کرکٹ اکیڈمی اور قذافی اسٹیڈیم کی از سر نو تعمیر کے لیے روڈ میپ پیش کریں۔
چیف آپریٹنگ آفیسر سلمان نصیر، سیکرٹری سی اینڈ ڈبلیو سہیل اشرف اور چیف سلیکٹر وہاب ریاض بھی چیرمین کے ہمراہ تھے۔
