گوگل نیوز پر ہمیں فالو کریںکراچی میں جاری ٹورنامنٹ کے پہلے سیمی فائنل میں سینٹرل پنجاب نے سدرن پنجاب کو 82 رنز سے شکست دے کر ایونٹ کے فائنل میں رسائی حاصل کرلی ہے، اسامہ میر کی تباہ کن باؤلنگ کی بدولت سدرن پنجاب کی ٹیم 232 رنز کے جواب میں 33ویں اوور کی پہلی گیند پر صرف 149 رنز بنا کر آؤٹ ہوگئی۔
لیگ اسپنر نے 23 رنز کے عوض پانچ کھلاڑیوں کو پویلین کی راہ دکھائی، عامر یامین اور ظفر گوہر نے دو دو وکٹیں حاصل کیں،عرفات منہاس 39 رنز بنا کر آؤٹ ہوئے۔
اس سے قبل سینٹرل پنجاب نے ٹاس جیت کر پہلے بیٹنگ کرتے ہوئے طیب طاہر اور بلاول بھٹی کی نصف سنچریوں کی بدولت 231 رنز اسکور کئے تھے، طیب طاہر 58 اور بلاول بھٹی ناٹ آؤٹ 51 رنز بنا کر نمایاں رہے۔
مزید پڑھیں:قومی کرکٹر محمد عامر کرکٹ ٹیم میں واپسی کے لئے پر اُمید
شارون سراج، محمد الیاس اور فیصل اکرم نے دو دو کھلاڑیوں کو پویلین کی راہ دکھائی۔
