عالمی قوانین کی خلاف ورزی، یوکرین میں قید روسی سپاہیوں کے قتل کا انکشاف

کیف: یوکرین میں قید روسی سپاہیوں کے قتل کا انکشاف سامنے آیا ہے جو بین الاقوامی قوانین کی خلاف ورزی ہے۔ قتلِ عام کی ویڈیو بھی سامنے آگئی۔

سماجی رابطے کی ویب سائٹ ٹوئٹر پر نیو یارک ٹائمز کے صحافی ایوان ہل نے اپنے پیغام میں کہا کہ پیر کے روز ایک ویڈیو آن لائن پوسٹ ہوئی جس کی درستگی نیو یارک ٹائمز نے چیک کی جس سے یہ سنگین انکشاف سامنے آیا ہے۔

یہ بھی پڑھیں:

سوڈان میں فوجی بغاوت کے خلاف عوام ایک بار پھر سڑکوں پر

صحافی ایوان ہل نے کہا کہ ویڈیو میں دکھایا گیا کہ یوکرینی سپاہیوں نے قید کیے گئے روسی سپاہیوں کو دارالحکومت کیف کے مغرب میں ایک گاؤں کے باہر 30 مارچ کے آس پاس قتل کیا جبکہ روسی فوج پسپائی اختیار کر رہی تھی۔ 

A video posted online on Monday and verified by The Times appears to show Ukrainian soldiers killing captured Russian troops outside a village west of Kyiv on or around March 30, as the Russians were withdrawing. I'll thread some findings here: https://t.co/vZvVxMhvgP pic.twitter.com/aH94d2CLFw

— Evan Hill (@evanhill) April 6, 2022

نیو یارک ٹائمز کے آن لائن ایڈیشن میں شائع خبر کے مطابق ویڈیو میں دکھایا گیا ہے کہ ایک شخص کہتا ہے کہ وہ ابھی زندہ ہے۔ دیکھو، وہ ہانپ رہا ہے۔ پھر ایک سپاہی اس آدمی کو دو گولیاں مارتا ہے۔ اسی طرح دیگر سپاہیوں کو گولیاں ماری گئیں۔

آن لائن ایڈیشن کے مطابق کم از کم 3 دیگر بظاہر روسی نظر آنے والے فوجیوں کو مارا جاتا ہے۔ جن کی لاشیں پہلے سے مارے گئے سپاہی کے قریب پڑی نظر آتی ہیں۔ تین فوجیوں کے بازوؤں پر سفید پٹیاں بھی دیکھی جاسکتی ہیں جو عموما روسی پہنتے ہیں۔