گوگل نیوز پر ہمیں فالو کریںعامر لیاقت حسین مرحوم کی سابق اہلیہ بشریٰ اقبال نے دانیہ شاہ کی گرفتاری پر اپنے رد عمل کا اظہار کیا ہے، انہوں نے کہا کہ عامر کا کوئی قصور نہیں تھا ان کے ساتھ بہت زیادتی ہوئی۔
بشریٰ اقبال کو دانیہ کی گرفتاری سے متعلق اپنے خیالات کا اظہار کرتے سوشل میڈیا پر وائرل ویڈیو میں دیکھا جاسکتا ہے، انہوں نے کہا کہ اس گرفتاری پر سب خوش ہیں، سب کو خوشی ہوئی کہ دانیہ پکڑی گئی کیونکہ اس کو سزا ہونی چاہیے تھی، ایسی لڑکیوں کو سزا ضرور ہونی چاہیے اور اس کیس کو ایک مثال بننا چاہیے تاکہ سب کو پتا چل جائے کہ پاکستان میں بھی قانون ہے۔
بشریٰ اقبال کا کہنا تھا کہ یہ سوال تو اٹھنا ہی نہیں چاہیے کہ دانیہ نے وہ ویڈیو نہیں بنائی جس طرح کی وہ ویڈیو تھی وہاں تیسرا کوئی ہو ہی نہیں سکتا تھا۔انہوں نے کہا کہ اگر کوئی کسی کی ویڈیو وائرل کرتا ہے تو اس کی پکڑ ہوگی۔
عامر اور دانیہ کی خلع سے متعلق بشریٰ اقبال کا کہنا تھا پہلی بات یہ کہ شرعاً خلع ہو چکی تھی لہٰذا دانیہ دعویٰ نہ کرے کہ وہ عامر کی بیوی ہے، اور اگر ایک صورت مان بھی لیں کہ وہ بیوی ہے جیسا کہ دانیہ کی والدہ کہہ رہی ہیں کہ کروڑوں کی جائیداد ہے، تو اس کا مطلب یہ ہے کہ دانیہ اور ان کا خاندان ابھی تک پیسوں پر ہی اٹکا ہوا ہے۔
نازیبا ویڈیو لیک پر بات کرتے ہوئے بشریٰ اقبال کا کہنا تھا کہ عامر کے ساتھ جو زیادتی ہوئی سب ہی دکھی ہیں، عامر کو سب ہی مس کرتے ہیں، ایک بہت ٹیلنٹڈ اور محب وطن انسان کی برہنہ ویڈیوز وائرل کی گئیں اور دانیہ ان کی گرل فرینڈ نہیں تھی، وہ اسے بیوی بنا کر لائے تھے انھوں نے دانیہ کو عزت دی تھی، عامر اسے مارننگ شوز میں لے کر گئے جس سے دانیہ ایک جانی پہچانی شخصیت بنی۔
مزید پڑھیں:عامرلیاقت کی تیسری اہلیہ دانیہ شاہ کے جسمانی ریمانڈ کی درخواست مسترد
بشریٰ نے کہا کہ ایک انسان قبر میں چلا گیا اور آپ ابھی بھی پیسے پیسے کر رہی ہیں، میں شروع سے کہہ رہی ہوں میں عامر کی سابق اہلیہ ہوں، میرا شرعاً اور قانوناً عامر کی جائیداد سے کوئی واسطہ ہے اور نہ مجھے چاہیے، میں ایسا کیوں کر رہی ہوں یہ میرا رب جانے، میں ہر کسی کو جوابدہ نہیں ہوں۔
