گوگل نیوز پر ہمیں فالو کریںلاہور ہائیکورٹ میں سابق وزیر اعظم عمران خان کی اہلیہ بشریٰ بی بی نے اپنی ممکنہ گرفتاری کے خلاف درخواست دے دی ہے۔
تفصیلات کے مطابق چیئرمین پی ٹی آئی کی اہلیہ نے وفاق، نیب، ایف آئی اے سمیت دیگر کو فریق بناتے ہوئے دائر کی گئی درخواست میں کہا کہ میں سابق خاتونِ اوّل ہوں۔ عمران خان کو سیاسی انتقام کا نشانہ بنایا جارہا ہے۔
سابق اسپیکر آغا سراج درانی کی ضمانت منظور
ہائیکورٹ میں دائر کی گئی درخواست میں بشریٰ بی بی نے مؤقف اختیار کیا ہے کہ قانون نافذ کرنے والے اداروں بشمول نیب، ایف آئی اے اور پولیس نے بے بنیاد اور غیر قانونی مقدمات درج کیے، مجھ سے بھی سیاسی انتقام لینے کی تیاری ہے۔
درخواست گزار بشریٰ بی بی نے لاہور ہائیکورٹ سے استدعا کرتے ہوئے کہا کہ جون 2022 سے قبل میرے خلاف کوئی انکوائری یا مقدمہ زیرِ التوا نہیں تھا، عدالت اس وقت سے لے کر اب تک درج خفیہ مقدمات اور تفتیش کی تفصیلات فراہم کرے۔
خیال رہے کہ چیئرمین پی ٹی آئی عمران خان کو تاحال رہائی نہیں مل سکی۔ بشریٰ بی بی نے عدالت سے درخواست کی کہ قانون نافذ کرنے والے اداروں کو میرے خلاف مقدمات کی تفصیلات دینے سے قبل مجھے کسی بھی مقدمے میں گرفتار کرنے سے روکا جائے۔
