گوگل نیوز پر ہمیں فالو کریںلندن: برطانیہ کی معروف کاروباری عمر رسیدہ شخصیت محمد الفائد 94 برس کی عمر میں انتقال کر گئے ہیں۔
تفصیلات کے مطابق گزشتہ روز محمد الفائد کے اہلِ خانہ نے اپنے جاری بیان میں کہا کہ 30 اگست کو بدھ کے روز محمد الفائد عمر رسیدگی کے باعث پرسکون انداز میں اِس دارِ فانی سے رخصت ہو گئے۔
سعودی ولی عہد کا ممکنہ دورہ پاکستان، بھارت کو آگ لگ گئی
مصری شہر اسکندریہ میں جنم لینے والے محمد الفائد نے 70ء کی دہائی میں برطانیہ منتقلی کے بعد ایک کاروباری شخصیت کی حیثیت سے اپنی ایک الگ پہچان بنائی اور کاروباری حلقوں میں جانے پہچانے جانے لگے۔
برطانیہ آمد سے قبل محمد الفائد مشرقِ وسطیٰ میں کاروباری سلطنت قائم کرچکے تھے اور پر تعیش اشیا کے اسٹور ہیروڈز اور فٹبال کلب فلہم کے مالک کے طور پر بھی انہیں شہرت حاصل ہوئی۔
برطانوی میڈیا کا کہنا ہے کہ محمد الفائد کے صاحبزادے دودی الفائد برطانیہ کی آنجہانی شہزادی لیڈی ڈیانا کے ہمراہ کار حادثے میں جاں بحق ہو گئے تھے جبکہ محمد الفائد کا دبئی کی تعمیر و ترقی میں اہم کردار رہا ہے۔
محمد الفائد نے ہاؤس آف فریزر بھی خریدا جبکہ پیرس کا ریٹز ہوٹل بھی محمد الفائد کی ملکیت میں تھا۔ میڈیا کا کہنا ہے کہ ان کی نمازِ جنازہ لندن کی ریجنٹس پارک مسجد میں ادا کردی گئی ہے۔
