گوگل نیوز پر ہمیں فالو کریںنئی دہلی: بھارت میں قدیم پل گرجانے کے باعث ہلاکتوں کی تعداد 141 ہوگئی ہے جبکہ دریا کی بے رحم موجوں کی نذر ہونے والے درجنوں شہری تاحال لاپتہ ہیں۔
تفصیلات کے مطابق گزشتہ روز بھارتی شہر گجرات کے علاقے موربی میں دریا پر بنا قدیم پل اتوار کے دن تفریح کیلئے آئے ہوئے شہریوں کے وزن سے گرا۔ حادثے کے وقت پل پر 500 سے زائد افراد موجود تھے۔
بغداد میں فٹبال اسٹیڈیم کے نزدیک دھماکے سے 10افراد جاں بحق، 20زخمی
دریا میں گرنے والے درجنوں افراد میں سے 141 کی لاشیں نکال لی گئی ہیں جبکہ دیگر کی تلاش جاری ہے۔ پل گرنے سے زخمی ہوجانے والے متعدد افراد کی حالت تشویشناک ہونے کے باعث ہلاکتوں میں اضافے کا خدشہ ہے۔
#MorbiBridgeCollapse
A very sad incident has happened in Morbi, Gujarat.. pic.twitter.com/unlnzD3yMn— Dalooram 15.2K ???????????? (@dalooram_02) October 31, 2022
پانی میں پھنسے ہوئے افراد کو نکالنے کیلئے ریسکیو کی کارروائیاں جاری ہیں۔ گزشتہ ہفتے ہی پل کو مرمت کے بعد 26 اکتوبر کے روز تفریحی مقاصد کیلئے کھول دیا گیا۔ حکومت نے مرنے والوں کیلئے 4لاکھ جبکہ مرکزی حکومت نے 2 لاکھ بھارتی روپے امداد کا اعلان کیا۔
मोरबी में पुल के गिरने का video pic.twitter.com/y5PxCmfK09
— Sukesh Ranjan (@RanjanSukesh) October 31, 2022
یاد رہے کہ اس سے قبل بغداد میں فٹبال اسٹیڈیم کے نزدیک ہونے والے دھماکے کے نتیجے میں 10 افراد جاں بحق جبکہ 20 زخمی ہوگئے تھے۔
دھماکہ فٹبال اسٹیڈیم اور کیفے کے نزدیک واقع گیراج میں ہوا جبکہ دھماکہ خیز مواد گاڑی میں نصب تھا۔ قریب موجود گیس ٹینکر بھی دھماکے سے ہونے والی تباہی کی زد میں آگیا۔
