گوگل نیوز پر ہمیں فالو کریںجعفر ایکسپریس کو جیکب آباد میں ایک طاقتور بم دھماکے کا سامنا کرنا پڑا جس کے نتیجے میں ریل ٹریک کو نقصان پہنچا اور ٹرین کی 5 بوگیاں پٹری سے اتر گئیں۔
میڈیا رپورٹس کے مطابق جعفر ایکسپریس پشاور سے کوئٹہ جا رہی تھی جب یہ واقعہ پیش آیا۔ خوش قسمتی سے واقعے میں کسی جانی نقصان کی اطلاع نہیں ملی۔
واقعے کے فوراً بعد مقامی پولیس، ریلوے پولیس اور ریلوے کی مرمتی ٹیموں کے اعلیٰ افسران جائے وقوعہ پر پہنچ گئے تاکہ واقعے کی تحقیقات اور بحالی کا عمل فوری طور پر شروع کیا جا سکے۔
پاکستان ریلوے کے ڈویژنل سپرنٹنڈنٹ شاہد عباس نے تصدیق کی کہ جیکب آباد کے قریب ریلوے ٹریک پر بم دھماکہ ہوا ہے جس کے نتیجے میں مسافر ٹرین کی پانچ بوگیاں پٹری سے اتر گئیں اور ٹریک کو بھی شدید نقصان پہنچا۔
انہوں نے مزید بتایا کہ حادثے میں کسی جانی نقصان کی اطلاع نہیں ہے۔ روہڑی سے ایک ریسکیو کرین جائے وقوعہ کی جانب روانہ کر دی گئی ہے جبکہ سکھر میں موجود ریلوے ڈویژنل آفس کی ٹیمیں بھی جائے حادثہ کی طرف روانہ کر دی گئی ہیں۔
