کوئٹہ: بلوچستان کے شہر سبی میں ریلوے لائن پر دھماکے میں ٹرین کی 8 بوگیاں پٹڑی سے اتر گئیں، جس کے نتیجے میں 8 افراد زخمی ہوگئے۔
سبی میں پنیر کے علاقے میں ریلوے ٹریک پر دھماکا ہوا ہے۔ڈی سی بولان آغا سمیع اللہ کا کہنا ہے کہ کوئٹہ سے پشاور جانے والی جعفر ایکسپریس کی 8 بوگیاں پٹڑی سے اتر گئیں، جس کے نتیجےمیں 8 افراد کے ذخمی ہونے کی اطلاعات ہیں۔
بلوچستان سے تازہ ترین مناظر
مچھ کے قریب پنیر ریلوے ٹریک پر دھماکہ،
جعفر ایکسپریس کو اڑانے کی کوشش
بولان۔ انجن سمیت آٹھ بوگیاں پٹڑی سے اتر گئی۔ڈی سی بولان
بولان۔ ابتدائی اطلاعات کے مطابق 8 افراد زخمی ۔
بولان۔علاقہ پہاڑی دشوار گزار ہونے کی وجہ سے ریسکیو ٹیموں کو مشکلات کا سامنا pic.twitter.com/zCV34BGdC1— MM News TV (@mmnewsdottv) January 20, 2023
ڈی سی بولان آغا سمیع اللہ نے ضلع کے تمام ہسپتالوں میں ایمرجنسی نافذ کردی ہے جبکہ واقعے کی اطلاع ملتے ہی سکیورٹی فورسز اور ریسکیو کی ٹیمیں بھی جائے وقوع کی جانب روانہ ہوگئی ہیں۔
کراچی، پولیس کی مختلف علاقوں میں کارروائیاں، 4 انتہائی مطلوب ملزم گرفتار
اطلاعات کے مطابق پہاڑی علاقہ ہونے کی وجہ سے ریسکیو ٹیموں کو مشکلات کا سامنا کرنا پڑرہا ہے۔
دوسری جانب محکمہ ریلوے کے حکام نے کہا ہے کہ دھماکے کے نتیجے میں ٹرین کے پٹڑی سے اترنے کے بعد مچھ، سبی ریلوے ٹریک پر ٹرینوں کی آمد و رفت معطل ہو گئی ہے۔