بل گیٹس کی بیٹی جنیفر گیٹس نے اپنے مصری دوست سے منگنی کرلی

مائیکرو سافٹ کے بانی اور دنیا کے امیر ترین شخص بل گیٹس کی بیٹی جنیفر گیٹس نے اپنے مصری دوست سے منگنی کرلی۔

جنیفر گیٹس اور نائل ناسر کے درمیان 2017 سے قریبی تعلقات ہیں اور یہ دونوں پیرس پینتھرس کے رائیڈرزبھی ہیں، انہوں نے فوٹو شیئرنگ ایپ انسٹاگرام پر منگنی کا اعلان کیا اور خوبصورت تصاویر بھی شیئر کیں۔

جنیفر گیٹس نے اپنے منگیتر کی تصویر شیئر کرتے ہوئے ایک کیپشن لکھا جس میں انہوں نے نائل ناسر کے لیے اپنے پیار بھرے جذبات کا اظہار کیا، 24 سالہ جنیفر گیٹس اس وقت ڈاکٹر بننے کے لیے تعلیم حاصل کررہی ہیں۔

یہ بھی پڑھیں: سرمد سلطان کی فلم زندگی تماشا پر پابندی کی درخواست واپس لے لی گئی

جنیفر اور ان کے منگیتر دونوں ہی ایک گھڑ سواری کے کھیل سے وابستہ ہیں اور ان کا کہنا ہے کہ وہ یہ کھیل شوقیا کھیلتی ہیں جب کہ ان کے منگیتر یہ کھیل پروفیشن کے طور پر کھیلتے ہیں۔