گوگل نیوز پر ہمیں فالو کریںاسلام آباد: پاکستان اور اٹلی کے درمیان دو طرفہ تجارتی حجم 4 ارب یورو تک بڑھایا جاسکتا ہے، دونوں ملکوں کو سرمایہ کاری کو بڑھانے اور کاروباری تعاون کی نئی راہیں تلاش کرنے کی ضرورت ہے۔
گزشتہ روز میلانو اٹلی کے اعزازی سرمایہ کاری قونصلر محمد شہریار خان سے گفتگو کرتے ہوئے چیف ایگزیکٹو آفیسر پاکستان فرنیچر کونسل میاں کاشف اشفاق نے کہا کہ پاکستان میں اٹلی کے سفیر آندریاس فیریریز تجارتی تعلقات کو فروغ دینے اور دونوں ممالک کے درمیان قریبی رابطوں کو مضبوط بنانے میں کلیدی کردار ادا کر رہے ہیں۔
انہوں نے کہا کہ اس سال تجارت میں تیزی سے اضافہ ہوا ہے اور یہ تقریباً 2 ارب یورو تک پہنچ سکتی ہے اور 2021 میں یہ 1.52 ارب یورو تک ریکارڈ کی گئی۔
ترکی میں کرپٹو کرنسی کی مقبولیت میں اضافے کی وجہ کیا ہے؟
یہ پہلا موقع ہے کہ پاکستان کی برآمدات € 1 ارب یوروسے تجاوز کر گئی ہیں اور اٹلی میں درآمدات سے زیادہ ہیں، جس سے اٹلی یورپی منڈی میں دوسرا بڑا برآمدی مقام بن گیا ہے۔انہوں نے بتایا کہ 4 ارب یورو کے ہدف کو حاصل کرنے کے لیے دونوں ممالک کو سرمایہ کاری کو بڑھانے اور کاروباری تعاون کی نئی راہیں تلاش کرنے کی ضرورت ہے ۔
انہوں نے مزید کہا کہ گزشتہ 10 سالوں کے دوران اٹلی میں پاکستانی کمیونٹی 25,000 ہزار سے بڑھ کر 200,000 تک پہنچ گئی ہے ۔انہوں نے کہا کہ پاکستان اور اٹلی کے درمیان سیاسی، اقتصادی، ثقافتی اور سماجی شعبوں میں خوشگوار تعلقات اور تعاون کی ایک طویل تاریخ ہے۔ یہ انتہائی اطمینان کی بات ہے کہ دونوں ممالک کے درمیان عالمی اہمیت کے متعدد مسائل پر اتفاق رائے ہے اور تمام شعبوں میں باہمی تعاون بڑھ رہا ہے۔
محمد شہریار خان جو کہ اٹلی میں سیاحت کے اعزازی سفیر بھی ہیں نے کہا کہ تقریباً 220 لاکھ کی آبادی اور اعلیٰ درجے کی مصنوعات کی مسلسل بڑھتی ہوئی مانگ کے ساتھ پاکستان اطالوی صنعت کاروں اور کاروباری افراد کے لیے ایک پرکشش مارکیٹ بنا ہوا ہے۔
انہوں نے کہا کہ یہ بات قابل ذکر ہے کہ اٹلی میں پاکستانی کارکنوں کی جانب سے ترسیلات زر تاریخ کی بلند ترین سطح پر پہنچ گئی ہیں۔ مالی سال 22 میں 711.7 لاکھ ڈالر کے اعداد و شمار کے ساتھ، اٹلی عالمی سطح پر پاکستان کو کارکنوں کی ترسیلات کا ساتواں سب سے بڑا مرکز اور یورپی یونین کے ممالک میں سرفہرست ہے۔
