گوگل نیوز پر ہمیں فالو کریںپاکستانی شوبز انڈسٹری کے سینئرو معروف اداکار بہروز سبزواری نے تنگ لباس پہننے والی خواتین کو پردہ کرنے کا مشورہ دیا ہے۔
حال ہی میں بہروز سبزواری نے یوٹیوبر اور کامیڈین نادرعلی کے پوڈکاسٹ میں شرکت کی جس میں انہوں نے اُن مسائل کے اثرات پر بات کی جو ہمارے معاشرے میں زیادہ پھیل رہے ہیں۔
بہروز سبزواری نے کہا کہ پاکستان میں لوگوں کی بڑی تعداد کے پاس موٹر سائیکلیں ہیں، ظاہر ہے کہ اس مہنگائی میں ہر کسی کی جیب اُسے کار خریدنے کی اجازت نہیں دیتی۔
اداکارہ سجل علی کی نئی تصاویر پر سوشل میڈیا صارفین کی تنقید جاری
انہوں نے موٹرسائیکل پر سفر کرنے والی خواتین کے حوالے سے بات کرتے ہوئے کہا کہ میں نے ایک بات دیکھی ہے کہ موٹر بائیک پر سفر کرنے والی ہماری خواتین مناسب لباس نہیں پہنتیں،کچھ خواتین عجیب و غریب کپڑے پہن کر بائیک پر بیٹھی ہوتی ہیں جنہیں مناسب نہیں کہا جا سکتا۔
اُن کا کہنا تھا کہ ایسے لباس بالکل بھی اچھے نہیں ہوتے یہ لباس عام طور پر بہت تنگ ہوتے ہیں خواتین کو اس بات کا خیال رکھنا چاہیے کہ وہ مکمل پردہ کریں اور خود کو ڈھانپ کر بائیک پر سوار ہوں اس کو سختی سے ذہن میں رکھنا چاہیے۔
بہروز سبزواری نے مردوں کو بھی مشورہ دیتے ہوئے کہا کہ مردوں کو بھی اپنی آنکھوں پر قابو رکھنا چاہیے۔
