گوگل نیوز پر ہمیں فالو کریںبنگلہ دیش پریمیئر لیگ 2024 کے دوران پاکستانی بلے باز بابراعظم کے آٹوگراف نے بنگالی لڑکی کو شہرت کے آسمان پر پہنچا دیا۔
سوشل میڈیا پر ایک ویڈیو وائرل ہے جس میں دیکھا جا سکتا ہے کہ قومی ٹیم کے بیٹر بابراعظم بس میں سوار ہونے لگتے ہیں کہ اس دوران شائقین میں سے ایک لڑکی آٹوگراف مانگتی ہے جس پر بابراعظم لڑکی کو بس کے اندر بلاتے ہیں۔
شائقین کے درمیان کھڑی لڑکی سیکورٹی کی اجازت سے بس کے اندر داخل ہوتی ہے جہاں بابراعظم لڑکی سے ملاقات کرکے اپنا آٹوگراف دیتے ہیں جس پر وہ بہت خوشی ہوتی ہے۔
لڑکی بس سے باہر آنے کے بعد میڈیا سے گفتگو میں بہت خوش نظر آتی ہے اور بابراعظم کے آٹوگراف کو زندگی کا ایک قیمتی لمحہ قرار دیتی ہے۔
واضح رہے کہ بی پی ایل میں بابراعظم رنگ پور رائیڈرز کی نمائندگی کر رہے ہیں۔ آخری میچ میں بابراعظم نے 56 رنز کی اننگز کھیل کر ٹیم کو فتح دلائی تھی۔
