بابر اعظم نے کرکٹ کی دنیا میں ایک اور اعزاز اپنے نام کرلیا

لاہور: پاکستانی کرکٹ ٹیم کے کپتان اور سپر اسٹار بلے باز بابر اعظم نے ایک اور ریکارڈ اپنے نام کرلیا۔

قومی کرکٹ ٹیم کے کپتان بابر اعظم اپنے کیرئیر کی ابتدائی 90 ون ڈے اننگز میں سے سب زیادہ اسکور کرنے والے پلیئر بن گئے ہیں۔

جنوبی افریقا کے ہاشم آملہ نے ابتدائی 90 اننگز میں 4 ہزار 556 رنز بنائے تھے،بابر اعظم نے 90 اننگز میں 59.79 کی اوسط سے4 ہزار 664 رنز بنائے ہیں۔

ان کے علاوہ بھارت کے سابق کپتان ویرات کوہلی نے 90 اننگز کے بعد مجموعی طور پر 3ہزار 899 رنز بنائے تھے، جبکہ ویوین رچرڈز نے 4ہزار 122، شائی ہوپ نے 4ہزار 51 اور جو روٹ نے 3ہزار 954 رنز بنائے تھے۔