کراچی: پاکستان کرکٹ ٹیم کے سابق کپتان اور وکٹ کیپر معین خان کے صاحبزادے پاکستانی کرکٹر اعظم خان نے بالی وڈ اداکارہ سشمیتا سین سے ملاقات کی تصویر شیئر اپنے چاہنے والوں کے لئے شیئر کردی۔
سشمیتا سے اعظم خان کی ملاقات دبئی میں ہوئی جس کی تصویر انہوں نے اپنے سوشل میڈیا اکاؤٹ انسٹاگرام پر شیئر کی جس پر ان کے چاہنے والوں کی جانب سے بڑی تعداد میں کمنٹس کیے گئے اور اعظم خان کی پوسٹ کو خوب پسند کیا گیا۔
قومی کرکٹر کا تصویر کے کیپشن میں کہنا تھا کہ ان کی بھارتی اداکارہ سشمیتا سے یہ ملاقات اتفاقیہ تھی جس کے بعد انہوں نے اداکارہ کے ہمراہ تصویر لی۔
مزید پڑھیں:سشمیتا سین نے نئی ویب سیریز ” تالی” کی پہلی جھلک مداحوں کیلئے شیئر کردی
قومی کرکٹر اعظم خان نے اداکارہ کی تعریف کرتے ہوئے کہا کہ سشمیتا بہت ہی عاجز انسان ہیں۔اعظم اور سشمیتا کی یہ تصویر سوشل میڈیا کے مختلف پلیٹ فارمز پر وائرل ہورہی ہے، جس پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔