ایشیا کپ، پاک بھارت میچ آج بھی بارش سے متاثر ہونے کا امکان

کولمبو: کولمبو میں کرکٹ کے لیے حالات سازگار نہیں ہیں، پاکستان اور بھارت کا میچ آج بھی بارش سے متاثر ہونے کا امکان ہے۔

کولمبو میں رات گئے بوندا باندی کا سلسلہ جاری ہے اور آسمان پر بادل چھائے ہوئے ہیں ۔ سری لنکن محکمہ موسمیات کی جانب سے آج سارا دن وقفے وقفے سے بارش کی پیش گوئی کی گئی ہے جبکہ سہہ پہر کے اوقات میں بھی زیادہ تیز بارش کے امکانات ہیں۔

واضح رہے کہ کولمبو میں جاری اس میچ میں پاکستان نے ٹاس جیت کر بھارت کو پہلے بیٹنگ کی دعوت دی تھی۔

یہ بھی پڑھیں:

نواک جوکووچ نے تاریخ رقم کردی، کیریئر کا 24 واں گرینڈ سلیم ٹائٹل جیت لیا

گزشتہ روز بارش کی وجہ سے صرف 24.1 اوورز کا کھیل ممکن ہوسکا تھا، جس میں بھارت نے 2 وکٹوں کے نقصان پر 147 رنز بنائے۔

ایشیاکپ کے سُپر فور مرحلے میں پاکستان اور بھارت کے اہم میچ کو مسلسل بارش اور گراؤنڈ فیلڈ خراب ہونے کی وجہ سے معطل کر کے ریزرو ڈے پر منتقل کردیا گیا تھا، ریزرو ڈے پر آج وہی سے کھیل شروع ہو گا جہاں گزشتہ روز ختم ہوا تھا۔