آرمی چیف جنرل قمر جاوید باجوہ سے ڈی جی نیٹو جنرل ہینس ورنر وائرمین کی ملاقات

راولپنڈی : آرمی چیف جنرل قمر جاوید باجوہ سے ڈی جی نیٹو جنرل ہینس ورنر وائرمین نے ملاقات کی جس میں علاقائی سیکیورٹی صورتحال اور باہمی دلچسپی کے امور پر تبادلہ خیال کیا گیا۔

جمعرات کو آئی ایس پی آر کے مطابق نیٹو کے ڈائریکٹر جنرل انٹرنیشنل ملٹری سٹاف نے جی ایچ کیو کا دورہ کیا ،آرمی چیف جنرل قمر جاوید باجوہ سے نیٹو ڈی جی نے ملاقات کی جس میں علاقائی سیکیورٹی صورتحال اور باہمی دلچسپی کے امور پر تبادلہ خیال کیا گیا ۔

جنرل ہانس نے دہشتگردی کے خلاف جنگ کے دوران پاک فوج کی بے مثال قربانیوں کو سراہا اور پیشہ وارانہ کارکردگی کی تعریف کرتے ہوئے باہمی چیلنجز سے متعلق مشترکہ اقدامات اٹھانے کی خواہش کا اظہار کیا۔