جنیوا: اقوامِ متحدہ نے کہا ہے کہ دُنیا بھر میں سب سے زیادہ صنفی امتیاز عرب خطے میں پایا جاتا ہے جس پر سرمایہ کافی کی ضرورت ہے۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ عرب خطہ دنیا بھر میں سب سے زیادہ صنفی امتیاز کا گڑھ ہے جو انسانی تعمیر و ترقی کی راہ میں رکاوٹ ہے۔
اقوامِ متحدہ کے جنرل سیکریٹری انتونیو گوتریس نے کہا کہ کورونا وائرس سے صحتیابی عرب دنیا کیلئے ایک موقع ہے جس سے فائدہ اٹھاتے ہوئے خواتین اور لڑکیوں پر سرمایہ کاری کی جاسکتی ہے۔
جنرل سیکریٹری انتونیو گوتریس نے کہا کہ سرمایہ کاری سے خواتین اور لڑکیوں کو برابری کے حقوق اور معاشرے میں شمولیت کے یکساں مواقع دئیے جاسکتے ہیں جس سے پورے معاشرے پر دور رس اثرات مرتب ہوں گے۔
The Arab region is home to the world’s largest gender gap in human development.
The #COVID19 recovery is an opportunity to invest in women and girls, and ensure equal rights and participation — which will have lasting benefits for all. https://t.co/2adR3Ahdoy
— António Guterres (@antonioguterres) July 24, 2020
یہ بھی پڑھیں: پاکستان اقوامِ متحدہ کی اقتصادی و سماجی کونسل کا صدر منتخب