گوگل نیوز پر ہمیں فالو کریںمعروف اداکارہ و ماڈل آمنہ الیاس نے پاکستان کوسٹ گارڈز کو سلیوٹ پیش کرتے ہوئے سوشل میڈیا پر اپنی ایک ویڈیو اپ لوڈ کی ہے جو دیکھتے ہی دیکھتے وائرل ہوگئی۔
فوٹو شیئرنگ پلیٹ فارم انسٹاگرام پر اپنے پیغام میں اداکارہ آمنہ الیاس نے کہا کہ پاکستان کوسٹ گارڈز معاشرے سے منشیات کے خاتمے کیلئے جو جنگ کر رہے ہیں، اس کی خوشی منانا کسی دعوت سے کم نہیں تھا۔
جنوبی افریقہ میں فائرنگ، معروف گلوکار دوست سمیت قتل
انسٹاگرام پیغام میں اداکارہ آمنہ الیاس نے کہا کہ ہوسکتا ہے کہ ہم ممنوعہ منشیات کو ٹھکانے لگانے کا کوئی دوسرا طریقہ ڈھونڈ لیتے، تاہم منشیات جلانے سے بھی منشیات کو روکنے کے دلیرانہ عزم کااظہار ہوتا ہے۔
اداکارہ آمنہ الیاس نے پاکستان کوسٹ گارڈز کو خراجِ تحسین پیش کرتے ہوئے برآمد کی گئی مبینہ منشیات کو جلانے کے پس منظر کے ساتھ اپنی ایک ویڈیو شیئر کی جسے 12 ہزار سے زائد مداحوں نے پسند کیا۔
View this post on Instagram
جلتی ہوئی منشیات کے ساتھ سیلفی
آمنہ الیاس کی شیئر کی گئی مختصر سی ویڈیو میں اداکارہ کو اپنے موبائل سے ایک سیلفی کھینچتے ہوئے دیکھا جاسکتا ہے۔ آزاد ذرائع سے یہ تصدیق نہیں ہوسکی کہ آیا پس منظر میں منشیات ہی جلائی گئی تھیں، یا کچھ اور؟ تاہم عوام کی بڑی تعداد آمنہ الیاس کے بیان کو سراہ رہی ہے۔
