وزیر خارجہ بلاول بھٹو زرداری سے امریکی سفیر ڈونلڈ بلوم نے ملاقات کی جس میں باہمی تعلقات مضبوط کرنے پر بات ہوئی ہے۔

ترجمان دفتر خارجہ کے مطابق وزیرخارجہ اور امریکی سفیر نے علاقائی تعاون اور سیلاب متاثرین کی بحالی میں مزید تعاون پر اتفاق کیا۔ 

یہ بھی پڑھیں:

اس حوالے سے جاری اعلامیہ میں کہا گیا کہ وزیر خارجہ بلاول بھٹو زرداری نے جون میں ہیلتھ ڈائیلاگ کے انعقاد کا خیرمقدم کیا۔

اپنے بیان میں وزیر خارجہ بلاول بھٹو زرداری کا کہنا تھا کہ  امریکی سفیر سے ملاقات میں علاقائی پیشرفت پر تبادلہ خیال کیا گیا۔

انہوں نے مزید کہا کہ سیلاب کے بعد تعمیر نو سمیت پاک امریکا تعاون بڑھانے پر زور دیا گیا۔