ایمازون کے پاکستان میں کام شروع کرنے سے معاشی ترقی کے مواقع پیدا ہونگے، وزیراعظم

اسلام آباد: وزیر اعظم عمران خان نے کہا ہے کہ عالمی کمپنی ایمازون کے پاکستان میں کام شروع کرنے سے نوجوانوں کیلئے معاشی ترقی کے مواقع پیدا ہونگے۔

ایک ٹویٹ میں وزیر اعظم نے کہا کہ یہ ایک بہت بڑی پیشرفت ہے کیونکہ ایمازون نے ہمارے سامان کو اپنے سسٹم کے ذریعہ ایکسپورٹ کرنے کی منظوری دے دی ہے، انہوں نے مزید کہا کہ اس سے کاروباری نوجوان مرد اور خواتین مارکیٹ میں شامل ہوسکیں گے۔

A great development as Amazon has finally approved that our sellers can export their goods through their system. Amazon starting operations in Pak will open opportunities for our youth as it will enable a new breed of young men & women entrepreneurs to join the export market.

— Imran Khan (@ImranKhanPTI) May 6, 2021

یہ بیان اس خبر کے بعد سامنے آیا ہے جب دنیا کی سب سے مشہور ای کامرس کمپنی ایمازون نے پاکستان کو اپنے منظور شدہ فروخت کنندگان کی فہرست میں شامل کیا ہے اور امید ہے کہ ایمیزون کی آفیشل ویب سائٹ پر جلد ہی ایک نئی تجدید شدہ ممالک کی فہرست جاری کی جائے گی۔

مزید پڑھیں:پاکستان کو ایمازون کے رجسٹرڈ سیلرز کی فہرست میں شامل کیے جانے کے فوائد

وزیر اعظم کے مشیر برائے تجارت و سرمایہ کاری عبد الرزاق داؤد نے کہا ہے کہ ایمازون چند دنوں میں پاکستان کو اپنے فروخت کنندگان کی فہرست میں شامل کرے گا۔

انہوں نے کہا کہ حکومت گذشتہ سال سے ایمازون کے ساتھ بات چیت میں مصروف ہے جبکہ کمپنی نے ایمازون ڈیٹا سروسز پاکستان (پرائیوٹ) لمیٹڈ کے نام سے پاکستان میں ایک دفتر رجسٹر کیا تھا۔