گوگل نیوز پر ہمیں فالو کریںپشاور: ٹک ٹاکر صندل خٹک نے کہا ہے کہ دوستی ختم ہوچکی، حریم کسی کی ویڈیو لیک کرتی تو میرا نام آتا تھا،حریم شاہ کی جانب سے مجھ پر لگائے گئے تمام الزامات جھوٹے ہیں۔
ٹک ٹاکر صندل خٹک کا پشاور میں پریس کانفرنس کرتے ہوئے کہنا تھا کہ حریم شاہ کے ساتھ دوستی بہت پہلے ختم ہوچکی ہے جب ہم دبئی سے آئے تھے۔
انہوں نے کہا کہ مجھ پر لگائے گئے تمام الزامات جھوٹے ہیں اور اس حوالے سے عدالت میں کیس چل رہا ہے اور میڈیا پر الگ بات چل رہی ہے،اس کی جو ویڈیو لیک ہوئی اس کا الزام وہ مجھ پر لگارہی ہے۔
صندل کا کہنا تھا کہ ایف آئی اے نے میرا موبائل اپنے پاس رکھا ہوا ہے۔ دبئی میں بھی حریم شاہ کے کئی مسائل بنے تھے، جب بھی یہ کسی کی ویڈیو لیک کرتی تھی تو میرا نام آتا تھا۔
صندل خٹک نے کہا کہ حریم شاہ کہہ رہی ہے صندل نے مجھ سے معافی مانگی ہے ایسا کچھ بھی نہیں، میں نے یا میرے گھر والوں میں سے کسی نے کوئی معافی نہیں مانگی۔
یاد رہے کہ ٹک ٹاکر صندل خٹک کو گزشتہ دنوں حریم شاہ کی ویڈیوز لیک کیس میں درخواست ضمانت مسترد ہونے کے بعد گرفتار کیا گیا تھا اور انہیں جوڈیشل ریمانڈ پر جیل بھجوا دیا گیا تھا۔
مزید پڑھیں:ایف آئی اے نے ٹک ٹاکر صندل خٹک کو کیوں گرفتار کیا؟
چند روز قبل اسلام آباد کی عدالت نے ٹک ٹاکر صندل خٹک کی درخواستِ ضمانت منظور کی اور انہیں رہا کرنے کا حکم دیا۔
