گوگل نیوز پر ہمیں فالو کریںوزارتِ مذہبی امور نے حج درخواست گزاروں کو بڑی خوش خبری سنا دی، 10 دسمبر تک درخواستیں جمع کروانے والے تمام 79 ہزار عازمینِ حج کامیاب قرار دے دیے۔
ترجمان مذہبی امور کے مطابق گزشتہ ایک ہفتہ کی توسیع کے دوران 10 ہزار سے زائد نئی درخواستیں جمع ہوئیں۔ عازمینِ حج کے اصرار پر چند ہزار خالی نشستوں پر ’’پہلے آئیے پہلے پائیے’’ کی بنیاد پر درخواستوں کی وصولی جاری رکھنے کا فیصلہ کیا گیا۔ حج کوٹا مکمل ہوتے ہی درخواستیں روکنے کا اعلان کیا جائے گا۔
سیاسی مداخلت، اختیارات کا ناجائز استعمال، لیفٹیننٹ جنرل (ر) فیض حمید پر فرد جرم عائد
وزارتِ مذہبی امور نے نئے حج درخواست گزاروں کو ہدایت کی ہے کہ درخواست جمع کروانے کے بعد متعلقہ بینک سے کمپیوٹرائزڈ رسید ضرور حاصل کریں۔ کمپیوٹرائزڈرسید پر درج تاریخ اور وقت کے حساب سے ’’پہلے آئیے پہلے پائیے’’ کا فیصلہ کیا جائے گا۔
ترجمان کے مطابق اسپانسرشپ حج اسکیم بھی ’’پہلے آئیے پہلے پائیے’‘ کی بنیاد پرجاری رہے گی۔ سرکاری کوٹا مکمل ہونے پر حج واجبات کی دوسری قسط کی تاریخ کا اعلان کیا جائے گا۔ ترجمان مزید کہا ہے کہ عازمینِ حج نئی ہدایات مثلا بقیہ حج واجبات کا شیڈول، تربیت اور پروازوں کی اطلاع کے لیے اپنے اسمارٹ فون پر ’’پاک حج موبائل ایپ’‘ کا استعمال لازمی کریں۔
