گوگل نیوز پر ہمیں فالو کریںکراچی: وفاقی وزیرِ بحری امور علی حیدر زیدی نے تاریخی حقائق بیان کرتے ہوئے کہا ہے کہ تحریکِ انصاف بدعنوان مافیا کے خلاف بتدریج کامیاب ہورہی ہے۔
سماجی رابطے کی ویب سائٹ ٹوئٹر پر اپنے پیغام میں سال بہ سال پی ٹی آئی کی فتوحات کا جائزہ لیتے ہوئے وفاقی وزیر علی زیدی نے کہا کہ تحریکِ انصاف نے 1997ء میں کوئی سیٹ نہیں جیتی جبکہ 2002ء میں پی ٹی آئی نے قومی اسمبلی اور خیبر پختونخوا اسمبلی میں 1، 1 نشست اپنے نام کی۔
ٹوئٹر پیغام میں وزیرِ بحری امور علی زیدی نے کہا کہ 2008ء میں تحریکِ انصاف نے انتخابات کا بائیکاٹ کردیا تھا جبکہ 2013ء میں پی ٹی آئی نے نہ صرف خیبر پختونخوا میں اپنی حکومت بنائی بلکہ قومی اسمبلی میں 34 نشستیں بھی جیت کر عوام کی ترجمانی کا حق ادا کیا۔
علی زیدی نے کہا کہ سن 2018ء میں تحریکِ انصاف نے وفاق میں بھی کامیابی حاصل کی اور خیبر پختونخوا اور پنجاب میں بھی اپنی حکومت بنائی۔ عمران خان وزیرِ اعظم بن گئے اور 2021ء میں تحریکِ انصاف سینیٹ کی بھی سب سے بڑی سیاسی جماعت بن گئی۔ سیاسی پنڈتوں سے میرا سوال یہ ہے کہ بدعنوان مافیا کے خلاف جیت کس کی ہوئی؟
Evolution:
1997 – 0 seats
2002 – 1 seat in NA, 1 in KPK
2008 – PTI boycotted
2013 – PTI Govt in KPK & 34 seats in NA
2018 – PM is @ImranKhanPTI + 2 provincial govts
2021 – PTI is the largest party in the Senate
Q to political novices: Who’s winning against the corrupt mafia?— Ali Haider Zaidi (@AliHZaidiPTI) March 8, 2021
یہ بھی پڑھیں: سندھ اسمبلی میں ہنگامہ، آغاسراج درانی اور خرم شیرزمان آمنے سامنے
