گوگل نیوز پر ہمیں فالو کریںلندن: پاکستان تحریک انصاف کے ناراض رہنماء علیم خان کی لندن میں مسلم لیگ ن کے قائد نوازشریف سے ملاقات، معاملات طے پاگئے۔
جیو نیوز کے مطابق حال ہی میں جہانگیر ترین گروپ میں شامل ہونے والے تحریک انصاف کے رہنماء علیم خان نے لندن میں نوازشریف سے ملاقات کی، اس موقع پر سابق وزیرخزانہ اسحاق ڈار اوراور نواز شریف کے بیٹے بھی موجود تھے۔
ذرائع کا کہناہے کہ نواز شریف اور علیم خان کی ملاقات بدھ کے روز ہوئی جو تقریباً تین گھنٹے جاری رہی، ملاقات میں تحریک عدم اعتماد کے علاوہ سیاسی امور پر تبادلہ خیال کیا گیا۔
اس سے قبل علیم خان نے پاکستان میں موجود مسلم لیگ ن کے صدر اور اپوزیشن لیڈر شہبازشریف سے بھی ملاقات کی تھی۔
مزید پڑھیں:علیم خان جہانگیر ترین سے ملاقات، مشاورت کیلئے لندن روانہ ہوگئے
