گوگل نیوز پر ہمیں فالو کریںپاکستان کی معروف اداکارہ ایمن خان نے ڈراموں میں واپسی کے حوالے سے بتادیا۔
گزشتہ دنوں اداکارہ اپنے شوہر منیب بٹ کے ہمراہ ایک ٹاک شو میں نظر آئیں جہاں پر انہوں نے مختلف سوالات کے جوابات دیے، ایک سوال کے جواب میں ایمن خان نے کہا کہ وہ اسکرین پر واپس آئیں گی لیکن ابھی فوراََ نہیں۔
ایمن خان نے کہا کہ میں نے بہت کم عمری میں اداکاری شروع کردی تھی اور بہت کام کیا، پھر میری شادی ہو گئی تو میں نے کچھ وقت کے لئے بریک لیا پھر جلد ہی بیٹی ہوگئی، جس کے بعد میں نے مزید بریک لیا اور ابھی وہ بہت چھوٹی ہے اس لئے میں ابھی مزید کچھ اور وقت بریک لوں گی لیکن میں اپنی بریک سے بھی لطف اندوز ہو رہی ہوں۔
’پیاری مونا‘ میں مونا کا کردار کوئی بھی اداکارہ کرنے کو تیار نہیں تھی، صنم جنگ
میزبان نے ایمن خان سے سوال کیا کہ آپ کی واپسی چھوٹی اسکرین پر ہوگی یا پھر بڑی اسکرین پر؟ جس پر اداکارہ نے کہا کہ میرا بڑے پردے پر کام کرنا سب کے لئے ایک سرپرائز ہو سکتا ہے، حتیٰ کہ منیب کے لئے بھی سرپرائز ہوگا۔
اس موقع پر اداکارہ کے شوہر منیب بٹ کا کہنا تھا کہ اسکرین پر واپس آنا صرف ایمن کا انتخاب ہوگا اور انہیں اس سے کوئی مسئلہ نہیں ہوگا۔
ایمن خان اور منیب بٹ کی شادی 21 نومبر 2018 کو کراچی میں ہوئی تھی اور 2019 میں اُن کے گھر بیٹی کی ولادت ہوئی تھی۔
