گوگل نیوز پر ہمیں فالو کریںپاکستانی شوبز انڈسٹری کی معروف اداکارہ منال خان اور احسن محسن اکرام نے قبل از منگنی پارٹی کی جس کی ویڈیو سوشل میڈیا پر وائرل ہوگئی، پارٹی میں شراب کی بوتل دیکھ کر مداحوں نے برہمی کا اظہار کیا ہے۔
تفصیلات کے مطابق پارٹی کی مختصر ویڈیو میں احسن محسن اکرام شیمپین کی بوتل ہاتھ میں لے کر اس کا فوارہ بناتے اور بعد میں پیتے نظر آئے جس پر سوشل میڈیا صارفین نے برہمی کا اظہار کرتے ہوئے فنکار جوڑے کو شریعت کے احکامات سے آگہی دینا شروع کردی۔
وائرل ہونے والی ویڈیو میں احسن محسن اکرام کو مائع سے بھری ہوئی بوتل شیمپین کی طرح لہراتے ہوئے دیکھا جاسکتا ہے جس کے منہ سے فوارہ بہہ نکلتا ہے۔ عام طور پر شیمپین کو شراب نہیں سمجھا جاتا، تاہم سوشل میڈیا صارفین اس بات سے اتفاق نہیں کرتے۔
View this post on Instagram
فنکار جوڑے کی ویڈیو پر سخت تشویش کا اظہار کرنے والے سوشل میڈیا صارفین کا کہنا ہے کہ ایک مسلمان کی حیثیت سے منال اور احسن محسن اکرام کو ایسی ویڈیو ریکارڈ نہیں کرانی چاہئے تھی۔ بعد میں کہا جائے گا کہ یہ شیمپین یا شراب نہیں بلکہ کوکا کولا تھی۔
یاد رہے کہ اِس سے قبل پاکستان ڈرامہ انڈسٹری کی معروف اداکارہ منال خان اور اداکار احسن محسن کی منگنی کی تصاویر اور ویڈیو سوشل میڈیا پر وائرل ہوگئیں۔
آج سے 4 روز قبل11 جون کو انسٹاگرام پر وائرل ہونے والی ویڈیو اور تصاویر میں اداکارہ منال خان اور احسن محسن انتہائی خوشگوار موڈ میں نظر آئے۔
مزید پڑھیں: منال خان اور احسن محسن کی منگنی کی تصاویر اور ویڈیو سوشل میڈیا پر وائرل
