افغان وزیر خارجہ مولوی امیر خان متقی وفد کے ہمراہ قطر کے دورے پر روانہ ہوگئے۔
افغان ذرائع ابلاغ کے مطابق وزیر خارجہ متقی دوحہ میں امریکی حکام سے طالبان حکومت پر عائد پابندیوں، طالبان رہنماؤں کو بلیک لسٹ کرنے کے فیصلے کے خاتمے، افغانستان کے بینکوں کے منجمد اثاثے کھولنے اور افغانستان کی فضائی حدود کی خلاف ورزی پر بات چیت کریں گے۔

یہ بھی پڑھیں:

افغان حکومت کے ذرائع کے مطابق اس کے علاوہ افغان وفد قطر حکومت کے بعض عہدیداروں اور قطر میں مقیم غیر ملکی نمائندوں سے دو طرفہ تعلقات پر بات چیت کرے گا۔

دوسری طرف بائیڈن انتظامیہ نے بھی طالبان وفد سے دوحہ میں بات چیت کی تصدیق کرتے ہوئے کہا ہے کہ امریکی وفد طالبان سے خواتین کے حقوق، خواتین کی تعلیم و ملازمت پر پابندوں اور دیگر معاملات پر بات چیت کرے گا۔