گوگل نیوز پر ہمیں فالو کریںپاکستان کی ابھرتی ہوئی اداکارہ سحر ہاشمی نے حالیہ انٹرویو میں اپنے ہونے والے شوہر سے متعلق دلچسپ خواہشات کا اظہار کر کے مداحوں کو چونکا دیا۔
ایک یوٹیوب شو میں گفتگو کے دوران، سحر ہاشمی سے میزبان نے دریافت کیا کہ وہ اپنے مستقبل کے شوہر میں کون سی خوبیاں دیکھنا چاہتی ہیں؟ اس پر اداکارہ نے مسکراتے ہوئے جواب دیا کہ انہیں ایسا جیون ساتھی چاہیے جو نہ صرف محبت سے کھانا کھلائے بلکہ تھکن کے وقت پاؤں بھی دبائے۔
انہوں نے مزید کہا، “مجھے چائے بہت پسند ہے، تو شوہر کو چائے بنانی آنی چاہیے، اور کیونکہ میں خود جذباتی لڑکی ہوں، اس لیے میرا شوہر متوازن، پرسکون اور سمجھدار ہونا چاہیے۔”
شادی سے متعلق سوال کے جواب میں سحر ہاشمی نے کہا، “میں سمجھتی ہوں کہ زندگی میں ہر فیصلہ وقت کے ساتھ ہوتا ہے۔ جب کوئی اچھا اور سچا انسان ملے گا، تب شادی ضرور کروں گی۔”
سحر کی یہ گفتگو نہ صرف ان کی سنجیدگی اور حساسیت کو ظاہر کرتی ہے بلکہ ان کے منفرد اندازِ فکر کی بھی جھلک دیتی ہے، جس نے ناظرین کا دل جیت لیا۔
