گوگل نیوز پر ہمیں فالو کریںبھارتی فلم انڈسٹری کی معروف اداکارہ رینجوشا مینن نے مبینہ طور پر خودکشی کرلی وہ اپنے فلیٹ میں مردہ حالت میں پائی گئیں۔
بھارتی میڈیا رپورٹس میں بتایا گیا ہے کہ ملیالم فلم انڈسٹری کی 35 سالہ اداکارہ رینجوشا مینن کی لاش گھر میں پنکھے سے لٹکی پائی گئی، وہ اپنے شوہر اور اداکار منوج کے ساتھ اس فلیٹ میں رہائش پذیر تھیں۔
پولیس نے ابتدائی تحقیقات کے بعد موت کو خودکشی قرار دیا ہے تاہم پولیس نے مزید تحقیقات کا آغاز کردیا ہے۔
یہ اطلاعات بھی سامنے آئی ہیں کہ رینجوشا مالی پریشانی کے باعث شدید ذہنی دباؤ کا شکار تھیں۔
اداکارہ اپنے انسٹاگرام اکاؤنٹ پر ڈرامہ سیریل کی شوٹنگ کے مناظر اور ساتھی اداکاروں کے ساتھ اپنی تصاویر بھی شیئر کرتی تھیں۔
رینجوشا مینن نے متعدد ڈراموں کو پروڈیوس بھی کیا تھا اور بیشتر میں اداکاری بھی کی۔
واضح رہے کہ معروف اداکارہ رینجوشا مینن نے فلم ’سٹی آف گولڈ‘ میں معاون اداکارہ کا کردار نبھایا تھا جبکہ وہ ’سلیبریٹی کچن میجک‘ اور ’ورن ڈاکٹرانو‘ میں بھی اداکاری کے جوہر دکھا چکی ہیں۔
