وقت نہیں ہم لوگ بدل گئے ہیں، خوبصورت دور واپس آسکتا ہے, ماریہ واسطی

لاہور: نامور اداکارہ ماریہ واسطی نے کہا ہے کہ وقت نہیں بدلا بلکہ ہم لوگ تبدیل ہو گئے ہیں ، اگر ہم تھوڑی سی کوشش کریں تو ایک دوسرے کا خیال رکھنے، پیار و محبت سے پیش آنے اور تھوڑے وسائل میں بھی گزر بسر کرنے والا دور واپس آسکتا ہے۔

میڈیا سے گفتگو کرتے ہوئے ماریہ واسطی نے کہاکہ جب لوگ یہ کہتے ہیں کہ وقت بدل گیا ہے اور تیزی سے گزر رہا ہے تو بڑی حیرت ہوتی ہے حالانکہ حقیقت یہ ہے کہ وقت وہی ہے بلکہ ہم اسے تیزی سے گزارنے کی جستجو میں لگے ہوئے ہیں۔

مزید پڑھیں:اداکارہ مہوش حیات کا ڈاکٹر عامر لیاقت حسین کو ”مرد” بننے کا مشورہ

دو دہائیاں قبل رشتہ داروں کا چھٹی کے روز ایک دوسرے کے ہاں آنا جانا معمول ہوتا تھا لیکن اب یہ رجحان دم توڑتاجارہا ہے ، رشتہ داروں کی ملاقات تو دور کی بات ایک گھر میں رہنے والے کئی کئی روز تک ایک دوسرے کا چہرہ نہیں دیکھ پاتے۔

انہوں نے کہا کہ ہم اپنے معمولات زندگی کو بدل کر خوبصورت وقت کو واپس لا سکتے ہیں لیکن اس کیلئے سب کو انفرادی جدوجہد کرنا ہوگی۔