گوگل نیوز پر ہمیں فالو کریںپاکستان شوبز انڈسٹری کے نامور اداکار اور ہدایتکار ہمایوں سعید نے سال نو کے آغاز پر اہل خانہ کے ہمراہ عمرے کی سعادت حاصل کرلی۔
اداکار ہمایوں سعید نے سال 2020 کا آغاز خانہ کعبہ میں اہل خانہ کے ہمراہ عمرہ کی ادائیگی کے ساتھ کیا، انہوں نے انسٹا گرام پر خانہ کعبہ کے سامنے لی گئی تصویر شیئرکرتے ہوئے اپنے فالوورز کو نئے سال کی مبارکباد دی۔
ہمایوں سعید کا نئے سال کے حوالے سے اپنے پیغام میں کہناتھا کہ ان کی ہمیشہ سے خواہش تھی کہ وہ سال کا آغاز اس مقدس مقام سے کریں اور ان کی یہ خواہش اس سال پوری ہوگئی۔
انہوں نےکہا کہ سال 2019 کو الوداع کہتے ہوئے 2020 کو خوش آمدید، آپ سب کیلئے اور پاکستان کیلئے دعائیں اور نیک خواہشات۔ سب کیلئے دعاگو ہوتے ہوئے ہمایوں نے امید ظاہر کی کہ نیا سال ہم میں سے ہرایک کیلئے بہترین ثابت ہو۔
https://www.instagram.com/p/B6v81EOJjv2/?utm_source=ig_web_button_share_sheet
واضح رہے کہ ان دنوں عدنان صدیقی اور عائزہ خان کے ساتھ ہمایوںسعید کا ڈرامہ “میرے پاس تم ہو” مقبولیت کی انتہاؤں کو چھو رہا ہے، ہر ہفتے اس ڈرامہ کی نئی قسط نشر ہوتے ہی سوشل میڈیا پر ٹاپ ٹرینڈ بن جاتی ہے۔
مزید پڑھیں: سال 2019ء کے دوران پاکستان کی شوبز انڈسٹری کی کارکردگی کا مختصر جائزہ
