گوگل نیوز پر ہمیں فالو کریںاسلام آباد: پاکستان نے کہا ہے کہ امریکا کی طرف سے دہشت گردی کے خلاف جنگ میں ہمارے کردار کے اعتراف نے بھارتی بیانیہ دفن کردیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ امریکی صدر ڈونلڈ ٹرمپ کا بھارت میں کھڑے ہو کر پاکستان سے دوستی کا اظہار ایک بڑی پیش رفت ہے۔ دہشت گردی میں ہمارے مثبت کردار کا اعتراف کرنے سے بھارتی بیانیہ دفن ہوگیا۔
امریکی صدر ڈونلڈ ٹرمپ بھارت کے دو روزہ دورے پر بھارتی ریاست گجرات میں موجود ہیں جن کے بیان پر تبصرہ کرتے ہوئے معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ ٹرمپ کا بیان قیامِ امن کے لیے ہماری کاوشوں کا منہ بولتا ثبوت ہے۔
بھارتی وزیر اعظم نریندر مودی کے حوالے سے معاونِ خصوصی ڈاکٹر فردوس عاشق اعوان نے کہا کہ بہتر ہوگا اگر بھارتی وزیر اعظم نریندر مودی خطے سمیت بھارت میں نفرت، تعصب اور جنگ کی آگ بھڑکانے کی بجائے دوستی کے پیغام اور اس کی طاقت کو سمجھے۔
مودی خطے اور بھارت میں نفرت، تعصب اور جنگ کی آگ بھڑکانے کی بجائے دوستی کے پیغام اور اس کی طاقت کو سمجھے۔2/2
— Dr. Firdous Ashiq Awan (@Dr_FirdousAwan) February 25, 2020
نئی دہلی میں بھارتی پولیس اور آر ایس ایس کے غنڈوں کی طرف سے عوام پر تشدد کی مذمت کرتے ہوئے فردوس عاشق اعوان نے کہا کہ امریکی صدر کی موجودگی میں شہریت بل پر احتجاج کرنے والوں پر بہیمانہ تشدد پوری دنیا کو حقیقت سے آگاہ کر رہا ہے۔ دنیا نے دیکھ لیا کہ تعصب، انتہا پسندی اور جنگی جنون کی ذہنی بیماری میں کون مبتلا ہے۔
امریکی صدر کی موجودگی میں شہریت بل پر احتجاج کرنے والوں پر بہیمانہ تشدد پوری دنیا کو حقیقت سے آگاہ کر رہا ہے۔دنیا نے دیکھ لیا کہ تعصب، انتہا پسندی اور جنگی جنون کی ذہنی بیماری میں کون مبتلا ہے؟
— Dr. Firdous Ashiq Awan (@Dr_FirdousAwan) February 25, 2020
وزیر اعظم عمران خان کے سفارتی کردار کی تعریف کرتے ہوئے معاونِ خصوصی نے کہا کہ وزیر اعظم کی قیادت میں پاکستان کا عالمی تشخص بہتر سے بہتر ہو رہا ہے۔ دنیا کا علاقائی اور عالمی امن کے لیے ہماری کاوشوں کا اعتراف پاکستان کی خارجہ پالیسی کو کامیاب ظاہر کرتا ہے۔
معاونِ خصوصی فردوس عاشق اعوان نے کہا کہ ٹرمپ کا اعتراف وزیر اعظم عمران خان کے زیرقیادت حکومت کی کامیاب خارجہ پالیسی کا مظہر ہے۔ مسئلۂ کشمیر ایک مسلمہ حقیقت ہے۔ امید کرتے ہیں کہ صدر ٹرمپ دو روزہ دورۂ بھارت کے دوران مسئلۂ کشمیر پر ضرور بات کریں گے۔
وزیراعظم عمران خان کی قیادت میں پاکستان کا عالمی تشخص بہتر سے بہتر ہو رہا ہے۔دنیا کا علاقائی اور عالمی امن کیلئے ہماری کاوشوں کا اعتراف پاکستان کی کامیاب خارجہ پالیسی کا مظہر ہے۔مسئلہ کشمیر ایک مسلمہ حقیقت ہے امید ہے کہ صدرٹرمپ مسئلہ کشمیر پر ضرور بات کریں گے۔
— Dr. Firdous Ashiq Awan (@Dr_FirdousAwan) February 25, 2020
