گوگل نیوز پر ہمیں فالو کریںاسلام آباد: وزیرِ اعظم پاکستان عمران خان کی کورونا ریلیف ٹائیگر فورس میں شامل ہو کر عوام کی مدد کرنے کے لیے 8 لاکھ نوجوان رضاکار رجسٹر ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کے معاونِ خصوصی برائے امورِ نوجوانان عثمان ڈار نے کہا کہ وزیرِ اعظم عمران خان نے کورونا ریلیف ٹائیگر فورس کو صوبائی سطح پر متحرک کرنے کی ہدایت کی ہے۔
معاونِ خصوصی عثمان ڈار نے کہا کہ اب تک 8 لاکھ نوجوان رضا کاروں کی ٹائیگر فورس میں پنجاب سے سب سے زیادہ نوجوان شامل ہوئے جہاں سے 5 لاکھ نوجوان ٹائیگر فورس کا حصہ بن گئے جبکہ سندھ کا نمبر دوسرا رہا۔
عثمان ڈار کے مطابق سندھ سے 1 لاکھ 11 ہزار، خیبر پختونخواہ سے 1 لاکھ 2 ہزار، اسلام آباد سے 10 ہزار، بلوچستان سے 9 ہزار، آزاد کشمیر سے 8 ہزار جبکہ گلگت بلتستان سے 3 ہزار 700نوجوان رضا کار کورونا ریلیف ٹائیگر فورس کا حصہ بن گئے ہیں۔
وزیراعظم عمران خان نے ٹائیگرفورس کو صوبائی سطح پرمتحرک کرنے کی ہدایت کی ہے۔
اب تک 8 لاکھ ٹائیگرفورس میں
پنجاب سے 5 لاکھ
سندھ سے 1 لاکھ 11 ہزار
پختونخوا سے 1 لاکھ 2 ہزار
اسلام آباد سے 10 ہزار
بلوچستان سے 9 ہزار
آزادکشمیر سے 8 ہزار
گلگت بلتستان سے ۳۷۰۰
نوجوان رجسٹرڈ ہوچکےہیں۔— Usman Dar (@UdarOfficial) April 7, 2020
یاد رہے کہ اس سے قبل وزیر اعظم کے معاون خصوصی برائے امور نوجوانان عثمان ڈارنے حزب اختلاف کی جماعتوں پر زور دیا کہ وہ کوروناوائرس پرقابوپانے کے لئے متفقہ موقف اختیار کریں۔
اپنے ایک خصوصی بیان میں 4 روز قبل عثمان ڈار نے کہا کہ مسلم لیگ (ن)سیاسی مقاصد کے حصول کیلئے ٹائیگرفورس کومتنازعہ بنانے کی کوششوں میں مصروف عمل ہے۔
مزید پڑھیں: سیاسی مقاصد کیلئے ٹائیگرفورس کومتنازعہ بنایا جارہا ہے، عثمان ڈار
