گوگل نیوز پر ہمیں فالو کریںکراچی : تحریک انصاف کے رکن اسمبلی عامر لیاقت اپنی ہی حکومت سے ناراض ہوگئے ہیں اور انہوں نے اسمبلی کی رکنیت سے مستعفی ہونے کی دھمکی دے دی ہے۔
عامر لیاقت کاکہناکہ لوگ سوال کرتے ہیں کہ مسائل کے حل کے لیے کہاں جائیں؟، میں بتانا چاہتا ہوں کہ کوئی وزیر قومی اسمبلی کے رکن کے فون تک کا جواب نہیں دیتا۔
حالات یہی رہے تو کم از کم میں اپنی نشست سے استعفیٰ دینے میں ذرا بھی دیر نہیں کروں گا۔عامر لیاقت نے کہا کہ جب وفاقی وزرا اپنے ہی اراکین قومی اسمبلی کو جواب دینے کے روادار نہیں تو عوام کو کیا خاک ریلیف دیں گے؟۔
لوگ مجھ سے سوال کرتے ہیں اور کررہے ہیں کہ مسائل کے حل کے لیے کہاں جائیں میں کھل کر بتانا چاہتا ہوں کوئی وفاقی وزیر قومی اسمبلی کے رکن کے فون تک کا جواب نہیں دیتا, حالات یہی رہے تو کم از کم میں اپنی نشست سے استعفی دینے میں زرا بھی دیر نہیں کروں گا
— Aamir Liaquat Husain (@AamirLiaquat) January 11, 2020
لاپرواہی، غیرذمے داری اور بے اعتنائی کی حد ہے،وزرا صاحبان زمین پر انسان بن کر رہیں، انسانوں کو اپنے در کا محتاج مت سمجھیں، صبر بھی ایک حد تک ہوتا ہے۔
کسی ایم این اے کو فنڈز زاتی طور پر کبھی ملتے تھے اور نا ہی ملنے چاہئیں مگر ترقیاتی کام تو شروع ہوں۔ ہم سے اسکیمز مانگی تھیں دے دیں۔
عملدرامد قومی اسمبلی کے رکن کا کام نہیں، اتحادیوں کے حلقوں کے لیے فنڈز جاری کر دیے گئے لیکن پی ٹی آئی کا ایم این اے حلقے کے عوام کو کیا جواب دے۔
مزید پڑھیں:معاشی صورتحال اب پہلے جیسی نہیں رہی، ملکی زرمبادلہ کے ذخائر بڑھ رہے ہیں،رزاق داود
