یوکرین میں روسی حمایت میں لڑنے والی نجی ملیشیا واگنر کی مسلح بغاوت کے بعد روس کے دار الحکومت ماسکو میں جنگی صورتحال ہے، جبکہ واگنر فورس نے ماسکو کی طرف پیش قدمی جاری رکھی ہوئی ہے، جس کو روکنے کیلئے ماسکو کے جنوبی علاقے میں روسی صدر پوتین نے فورسز تعینات کردی ہیں۔

ذرائع ابلاغ کے مطابق باغی فورس واگنر کی پیش قدمی روکنے کیلئے روسی فوجیوں نے ہفتے کے روز ماسکو کے جنوب مغربی کنارے پر مشین گنیں نصب کردی ہیں۔ اخبار ویدوموستی میں ان کی مشین گن پوزیشن کی تصاویر شائع کی گئی ہیں۔

یہ بھی پڑھیں:

ان تصاویر میں مسلح پولیس اہلکاروں کو اس مقام پر اکٹھے ہوتے ہوئے دکھایا گیا ہے جہاں آکر ایم 4 ہائی وے اختتام پذیر ہوتی ہے۔اس پرآمادۂ بغاوت ویگنرملیشیا کے کرائے کے فوجی چل رہے ہیں اور اطلاعات کے مطابق وہ روسی دارالحکومت کی جانب رواں دواں ہیں۔