عزم و ہمت کی بہترین مثال، سوات کے نوجوان نے رسی کا پل بناکر سینکڑوں افراد کی جان بچالی

ملک میں جہاں سیلاب نے بڑے پیمانے پر تباہی مچائی وہیں اس تباہی میں عزم، ہمت اور قربانی کی کئی کہانیاں بھی سامنے آئی ہیں۔

ان ہی کہانیوں میں سے ایک کہانی سوات کے واجد علی کی بھی ہے جنہوں نے بحرین میں رسی کا پل بنا کر سینکڑوں افراد کی جان بچائی۔

واجد علی نے اب دریا پار کرنے کے لیے اپنی مدد آپ کے تحت پل بھی بنا ڈالا جس کی ویڈیوز سوشل میڈیا پر وائرل ہیں۔

واجد علی کے کارنامے پر انھیں سوشل میڈیا صارفین کی جانب سے سراہا جا رہا ہے اوراسے انسانیت کی اعلیٰ مثال قرار دیا جا رہا ہے۔

قبل ازیں سوشل میڈیا پر ایک ویڈیو وائرل ہوئی ہے جس میں ریسکیو رضا کار ایک بلی کو سیلابی ریلے سے بچا کر بحفاظت محفوظ مقام پر منتقل کررہا ہے۔

یہ بھی پڑھیں:

سیلاب سے متاثرہ ننھا بچہ گھاس کھانے پر مجبور، ویڈیو سوشل میڈیا پر وائرل

یہ واقعہ لوئرکوہستان کے کیال پھچھگئی کے مقام پر پیش آیا، جہاں محصور افراد کو نکالنے کے لیے ریسکیو آپریشن کیا گیا۔

حکام کے مطابق کیال میں پچھگئی کے مقام پر 11 لوگ محصورتھے، جنہیں ریسکیو 1122 کے رضا کاروں نے بحفاظت نکال لیا۔ اور وہیں ان محصور افراد کے ساتھ ایک بلی بھی تھی، جسے ریسکیو کرلیا گیا ہے۔

واقعے کی ویڈیو بھی وائرل ہوئی ہے جس میں ایک رضا کار بلی کو کاندھے پر سوار کرکے سیلابی ریلے کے اوپر سے گزر کر محفوظ جگہ منتقل کررہا ہے۔