گوگل نیوز پر ہمیں فالو کریںسورج مکھی جیسے کچھ بیج مثال کے طور پر زنک، اومیگا ایسڈ، وٹامن ای اور کاپر پر مشتمل ہوتے ہیں۔ ان بیجوں کو کھانے سے بالوں، ناخنوں اور جلد پر مثبت اثر پڑتا ہے۔
روسی میڈیا نے Synergy University کے جنرل بایولوجی اور فارماکولوجی کے شعبہ کی سربراہ ڈاکٹر نتالیہ بالوبانووا کے حوالے سے بتایا کہ بیجوں کی ساخت پٹھوں کے نظام کو مضبوط بنانے اور خون کی گردش کو بہتر بناتی ہے۔ اس لیے جو لوگ شدید اور باقاعدگی سے ورزش کرتے ہیں ان کو ایسے کھانے کا مشورہ دیا جاتا ہے کہ وہ نظام انہضام اور جسم میں تیزابیت کے توازن کو بہتر بنا لیں۔
بیج جسم میں ٹرپٹوفن پیدا کرنے کے عمل کو بھی متحرک کرتے ہیں جو ایک امینو ایسڈ ہے جو خوشی کے ہارمونز کی پیداوار کو تحریک دیتا ہے۔ اس لیے انہیں کھانے کے بعد موڈ بہتر ہوتا ہے اور تناؤ کو دور کرنے میں مدد ملتی ہے۔
انڈیا کی ویب سائٹ کی طرف سے شائع کردہ کے مطابق پانچ بیج ایسے ہیں جو جسم میں خراب کولیسٹرول کی سطح کو کم کرنے میں مدد کر سکتے ہیں۔
فلیکس کے بیج
فلیکس کے بیج اومیگا 3 فیٹی ایسڈ اور فائبرز سے بھرپور ہوتے ہیں اور یہ کولیسٹرول میں قابو میں رکھنے اور دل کی صحت کے لیے مفید ہیں۔
چیا کے بیج
یہ بیج فائبر اور اومیگا 3 فیٹی ایسڈ سے بھرپور ہوتے ہیں اور خراب کولیسٹرول کو کم کرنے اور بلڈ پریشر کو کم کرنے میں مدد کر سکتے ہیں۔
کدو کے بیج
کدو کے بیج فائبر، اینٹی آکسیڈنٹس اور صحت مند چکنائی سے بھرپور ہوتے ہیں جو کولیسٹرول کی سطح کو کم کرنے میں مدد کرتے ہیں۔
سورج مکھی کے بیج
سورج مکھی کے بیج خراب کولیسٹرول کو کم کرنے اور دل کی صحت کو بہتر بنانے میں مدد کر سکتے ہیں کیونکہ وہ صحت مند چکنائی اور فائبر سے بھرپور ہوتے ہیں۔
Quinoa پروٹین اور فائبر کا مکمل ذریعہ ہے۔ کولیسٹرول کو کم کرنے اور دل کی مجموعی صحت کو بہتر بنانے میں مدد کرتا ہے۔
