پاکستانی علماء کا ایک وفد پاکستان سے افغانستان جائے گا اور سرحد پر کشیدگی ختم کرنے کے لیے افغان حکام سے ملاقاتیں کرے گا۔
ذرائع ابلاغ کے مطابق وفد میں چار علمائے کرام شامل ہوں گے جو قندھار اور کابل میں افغان حکام سے ملاقاتیں کریں گے۔

یہ بھی پڑھیں:

پاکستانی سرحدی شہر چمن کے مقامی حکام نے بھی اس خبر کی تصدیق کی ہے۔ ذرائع کے مطابق پاکستانی وفد کے دورہ افغانستان کی وجہ سے بولدک میں مقامی افغان حکام کے ساتھ ان کے مذاکرات میں تعطل آگیا ہے کیوں کہ مذکورہ وفد افغان حکام کے ساتھ زیادہ جامع مذاکرات کرے گا۔
افغان حکومت نے اس حوالے سے تاحال کچھ نہیں کہا۔ یہ خبر ایسے حالات میں سامنے آئی ہے جب گذشتہ روز پاکستان میں افغان ناظم الامور نے اسلام آباد میں افغانستان اور پاکستان کے درمیان سرحدی کشیدگی کے خاتمے کے لیے دونوں ممالک کے مشترکہ کمیشن کے قیام کی خبر دی تھی۔
یاد رہے اب تک کئی بار محدود پیمانے پر دونوں ممالک کی سرحدی فورسز کے درمیان بولدک اور خط کے دیگر مقامات پرکشیدگی کے واقعات ہوچکے ہیں۔