گوگل نیوز پر ہمیں فالو کریںپاکستانی خاتون وکیل ندا عثمان چوہدری نے آسٹریا میں اکیڈمک (بین الاقوامی) کیٹگری میں جسٹیشیا ایوارڈ جیت کر قوم کا نام روشن کردیا ہے۔
تفصیلات کے مطابق آسٹریا میں جسٹیشیا ایوارڈ قانون کے شعبے میں بہترین اور بے مثال خدمات سرانجام دینے والی خواتین قانون دانوں کو دیا جاتا ہے۔
ندا عثمان چوہدری گزشتہ 5 برس سے پاکستان میں ویمن اِن لاء کیلئے کام کر رہی ہیں جو پاکستان بھر میں وکالت کے پیشے سے وابستہ خواتین کیلئے کام کرنے والی تنظیم ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں نامور خاتون وکیل ندا عثمان چوہدری نے کہا کہ مجھے جسٹیشیا ایوارڈ جیتنے پر بے حد خوشی ہوئی ہے۔
پیغام میں ندا عثمان چوہدری نے مزید کہا کہ جسٹیشیا ایوارڈ جیتنا ویمن اِن لاء میں کام کرنے والی ساتھی وکلاء کے تعاون کے بغیر ممکن نہ ہوتا، جس کیلئے میں ان کی شکرگزار ہوں۔
The #JustitiaAward Vienna 2021 Laureate for Academia (International) comes home!!! Yaay! so excited. This would not have been possible without my colleagues at @WomenInLawPk. This should be celebrated as our combined success for putting our collective efforts on world stage. pic.twitter.com/8txXQ5fWMf
— Nida Usman Ch (@NidaUsmanCh) September 11, 2021
خاتون وکیل ندا عثمان چوہدری نے کہا کہ عالمی اسٹیج پر جسٹیشیا ایوارڈ جیتنے کی خوشی ہماری مشترکہ کامیابی کے طور پر منائی جانی چاہئے جس کیلئے ساتھیوں نے کاوشیں کیں۔
واضح رہے کہ آسٹریا میں جسٹیشیا ایوارڈ کی ورچؤل تقریب آج سے 2 روز قبل منعقد ہوئی جس پر ویمن اِن لاء کا کہنا ہے کہ ندا عثمان چوہدری کا ایوارڈ جیتنا ہمارے لیے فخر کی بات ہے۔
ویمن اِن لاء نے اپنے ٹوئٹر پیغام میں کہا کہ ندا عثمان چوہدری نے آسٹریا میں جسٹیشیا ایوارڈ اپنے نام کرکے نہ صرف پاکستان بلکہ جنوبی ایشیاء کے پورے خطے کا نام روشن کیا ہے۔
EXCELLENT NEWS COMING FROM VIENNA!!! @NidaUsmanCh is a *WINNER* at the #JustitiaAwards 2021 in the category 'Academia' (International). Proud moment for us, proud moment for #Pakistan and whole of South Asia. #womeninlaw https://t.co/1eJluhRvSx pic.twitter.com/GXgHEg2TDO
— Women In Law (@WomenInLawPk) September 10, 2021
جسٹیشیا ایوارڈ کیلئے 17 ممالک کی 80 خاتون وکلاء کے درمیان مقابلہ ہوا اور جولائی کے دوران 12 کو شارٹ لسٹ کردیا گیا۔ ندا عثمان چوہدری یہ اعزاز جیتنے والی پہلی جنوبی ایشیائی خاتون ہیں۔
یہ بھی پڑھیں: نشانِ حیدر کا اعزاز پانے والے میجر عزیز بھٹی کا یومِ شہادت
