تعلیمی وظائف

تعلیم ایک ترقی یافتہ اور خوشحال معاشرے کی بنیادہوتی ہے لیکن بدقسمتی سے پاکستان میں 22اعشاریہ 6 ملین سے زائد بچے اسکول سے باہر ہیں جبکہ تعلیمی نظام درہم برہم ہے۔ یکے بعد دیگرے آنیوالی حکومتیں تعلیم کو اہمیت دینے میں ناکام رہی ہیں۔

حکومت نے احساس تعلیمی وظیفہ پروگرام شروع کیا ہے تاکہ مستحق خاندان اپنے بچوں کو اسکول بھیج سکیں ۔ اسکیم کے تحت یہ خاندانوں سہ ماہی وظیفہ وصول کریں گے اگر وہ اپنے بچے کی 70 فیصد حاضری کو یقینی بنا سکیں۔

وزیر اعظم نے کہا ہے کہ لڑکیوں کو زیادہ وظیفہ دیا جا رہا ہے کیونکہ انہیں لڑکوں کے مقابلے میں زیادہ مشکلات کا سامنا کرنا پڑتا ہے۔ انہوں نے کہا کہ ایک تعلیم یافتہ خواتین معاشرے کے لیے ایک بڑا فائدہ ہے کیونکہ وہ ایک خاندان کی پرورش کرتی ہیں اور اس کا معاشرتی اثر زیادہ ہوتا ہے۔

تعلیم کے لحاظ سے پاکستان جنوبی ایشیا میں سب سے کم کارکردگی دکھانے والے ممالک میں سے ایک ہے۔ 45 فیصد سے زائد لڑکے اور 56 فیصد لڑکیاں اسکول نہیں جاتے۔ اگرچہ دونوں کو تعلیم کے حق سے محروم کیا جاتا ہے لیکن لڑکیاں غیر متناسب طور پر متاثر ہوتی ہیں۔ صنفی مساوات کی جدوجہد نے نوجوان لڑکیوں کے لیے تعلیم حاصل کرنا انتہائی مشکل بنا دیا ہے۔

یہ نیا اقدام یقینی طور پر والدین کی حوصلہ افزائی کرے گا کہ وہ اپنے بچوں کو اسکول بھیجیں تاہم مزید کوششوں کی ضرورت پڑ سکتی ہے جیسے تعلیم تک رسائی اور پسماندہ علاقوں میں اسکولوں کی حالت بہتر بنانا۔

حکومت نے حال ہی میں تعلیمی معیار کو بہتر بنانے کے لیے واحد قومی نصاب کا اجراء کیا لیکن بہت سی کمیونٹیز کو اب بھی زیادہ فیس اور اسکولوں کی کمی جیسی رکاوٹوں کا سامنا ہے ۔

پاکستان میں تعلیم بالخصوص لڑکیوں کی تعلیم اہمیت پر زیادہ زور نہیں دیا جاتاجو معاشی ترقی کو بھی متحرک کرتی ہے، خواتین لیبر فورس کا تقریباً 39 فیصد ہیں لیکن ان کی کمائی مردوں کے مقابلے میں آدھی ہے۔

اپنی تعلیم مکمل کرنے والی لڑکیوں کی تعداد بھی لڑکوں کے مقابلے میں غیر متناسب ہے جبکہ اسکول سے نکالنے کی شرح زیادہ تر کم عمری کی شادیوں کی وجہ سے ہے۔ یہ ضروری ہے کہ تعلیم ہماری اولین ترجیح ہو تاکہ ہم ایک ترقی یافتہ معاشرہ بن سکیں۔