گوگل نیوز پر ہمیں فالو کریںپاکستانی شوبز انڈسٹری کی معروف اداکارہ عائزہ خان نے نئے ڈرامہ سیریل چپکے چپکے کے یو ٹیوب کی ٹرینڈنگ ویڈیوز میں پہلے نمبر پر آنے پر خوشی کا اظہار کیا ہے۔
تفصیلات کے مطابق ڈرامہ سیریل چپکے چپکے میں مینو کا کردار نبھانے والی اداکارہ عائزہ خان نے عثمان خالد بٹ کے ہمراہ پہلی ہی قسط سے ناظرین کی توجہ حاصل کر لی۔ یوٹیوب پر چپکے چپکے پہلے نمبر پر آگیا۔
فوٹو شیئرنگ پلیٹ فارم انسٹا گرام پر خوشی کا اظہار کرتے ہوئے اداکارہ عائزہ خان نے کہا کہ چپکے چپکے پہلے نمبر پر ہے اور ڈرامے کی 21ویں قسط سے ایک سین کا اسکرین شاٹ بھی شیئر کیا۔
View this post on Instagram
قبل ازیں ڈرامہ سیرل چپکے چپکے میں اپنے کردار سے متاثرہ ہو کر اداکارہ عائزہ خان نے اپنے طوطے کا نام بھی مینو رکھ دیا۔ انسٹا گرام پر اپنے پیغام میں عائزہ نے کہا کہ چپکے چپکے جلد ختم ہوجائے گا لیکن مینو ہمیشہ میرے دل کے قریب رہے گی۔
View this post on Instagram
میرے پاس تم ہو نامی ڈرامے سے شہرت کی بلندیوں کو چھونے والی اداکارہ عائزہ خان نے اپنے مداحوں سے مینو نامی طوطے کی چھوٹی سی ویڈیو بھی شیئر کی جسے بے حد پسند کیا گیا اور اس پر دلچسپ تبصرے بھی کیے گئے۔
یہ بھی پڑھیں: سلمان خان نے رادھے کی آمدن کا مخصوص حصہ کورونا ریلیف کیلئے مختص کردیا
