کالعدم تحریک لبیک کے کارکنوں کا شیخ رشید کی رہائش گاہ لال حویلی کاگھیراؤ

راولپنڈی : کالعدم تحریک لبیک کے کارکن وفاقی وزیرداخلہ شیخ رشید کی رہائش گاہ پہنچ گئے، لال حویلی کا گھیراؤ، شدید نعرے بازی، پولیس اور رینجرز کی بھاری نفری موقع پر پہنچ گئی۔

لاہور میں مظاہرین کے خلاف آپریشن کیخلاف کالعدم تحریک لبیک کے کارکن بڑی تعداد میں راولپنڈی میں شیخ رشید احمد کی رہائش گاہ پہنچ گئے ہیں اور وفاقی وزیر داخلہ کیخلاف شدید نعرے بازی کی جارہی ہے۔

مظاہرین کی جانب سے ہنگامہ آرائی کے پیش نظر پولیس اور رینجرز کی بھاری نفری شیخ رشید کی رہائش گاہ پر پہنچ گئی ہے تاہم مظاہرین کی جانب سے وفاقی وزیر داخلہ کیخلاف نعرے بازی کا سلسلہ جاری ہے۔

Huge protest erupted outside Lal Haveli, #Rawalpindi ( Residence of Sheikh Rashid????). pic.twitter.com/WOLJujHMbv

— LONE WOLF (@Lone_wolf110) April 19, 2021

اس سے قبل وفاقی وزیرِ داخلہ شیخ رشید احمد نے کالعدم سیاسی و مذہبی جماعت تحریکِ لبیک کے سربراہ کی گرفتاری کے بعد سے ملک بھر میں کشیدہ حالات کے تناظر میں اہم بیان جاری کرتے ہوئے کہا ہے کہ کالعدم ٹی ایل پی کے ساتھ بات چیت شروع ہوگئی ہے۔

مزید پڑھیں: مذاکرات کامیاب، کالعدم تحریک لبیک نے یرغمال پولیس اہلکاروں کو چھوڑدیا ہے، شیخ رشید

وفاقی وزیرِ داخلہ شیخ رشید نے کہا کہ مذاکرات کا پہلا دور کافی خوش اسلوبی سے مکمل ہوا ہے جبکہ دوسرا دور آج ہوگا۔

کالعدم ٹی ایل پی نے یرغمال بنائے گئے 11 پولیس اہلکاروں کو چھوڑ دیا ہے۔ دوسرے راؤنڈ میں باقی معاملات بھی طے پاجائیں گے۔