گوگل نیوز پر ہمیں فالو کریںکراچی: موسم بہار کی آمد کے ساتھ ہی پاکستان انٹرنیشنل ایئرلائن (پی آئی اے) نے اندرون ملک خصوصی کرائے متعارف کروا دیے۔
ترجمان پی آئی اے عبداللہ خان کے مطابق کراچی اسلام آباد اور کراچی لاہور کے درمیان کرایوں پر خصوصی رعایت متعارف کروا دی گئی۔
مذکورہ شہروں کے مابین 20 کلو سامان لے جانے کی رعایت کے ساتھ یک طرفہ کرایہ صرف 7 ہزار 500 روپے ہوگا۔ 40 کلو سامان سمیت رعایت کے ساتھ یک طرفہ کرایہ صرف 8 ہزار 500 روپے ہوگا۔
ترجمان کے مطابق قومی ائرلائن کی پروازوں پر نئے کرایوں کا اطلاق فوری طور پر نافذ العمل ہوگا، موسم بہار میں لوگ سفر کرنا اور سیاحت کرنا پسند کرتے ہیں،اندرون ملک سیاحت اور جشن بہار کیلئے پی آئی اے نے خصوصی کرائے متاثر کروائے ہیں۔
یہ بھی پڑھیں: ملک بھرکے یوٹیلٹی اسٹورزسے 2 روز سے چینی غائب، عوام مہنگی چینی خریدنے پر مجبور
