شاہد آفریدی لنکن پریمیئر لیگ ادھوری چھوڑ کر وطن واپسی کیلئے روانہ

کولمبو: پاکستان کرکٹ ٹیم کے سابق کپتان جارحانہ بلے باز شاہد آفریدی لنکن پریمیئر لیگ ادھوری چھوڑ کر وطن واپسی کے لئے روانہ ہوگئے ہیں۔

آل راؤنڈر شاہد آفریدی ان دنوں ’لنکن پریمیئر لیگ‘ (ایل پی ایل) میں گال گلیڈی ایٹرز کی کپتانی کے فرائض سرانجام دے رہے ہیں، واضح رہے کہ ایونٹ کے پہلے میچ میں مایہ ناز بلے باز شاہد آفریدی نے دھواں دھار اننگز کھیلتے ہوئے نصف سنچری اسکور کی تھی اور ٹیم کو فتح سے ہمکنار کرووایا تھا۔

Unfortunately I have a personal emergency to attend to back home. I will return to join back my team at LPL immediately after the situation is handled. All the best.

— Shahid Afridi (@SAfridiOfficial) December 2, 2020

سماجی رابطے کی ویب سائٹ پر ٹوئٹرشاہد آفریدی نے اپنے مداحوں کو آگاہ کیا کہ بدقسمتی سے وہ ایل پی ایل کے مزید میچز نہیں کھیل پائیں گے کیوں کہ انہیں ذاتی نوعیت کی ایمرجنسی کی وجہ سے وطن واپس جانا پڑرہا ہے۔

تاہم بوم بوم آفریدی نے یہ بھی کہا کہ صورتحال بہتر ہوتے ہی میں بقیہ واپس لنکن پریمیئر لیگ میں شامل ہوجاؤں گا۔مذکورہ خبر کے آنے کے بعد شاہد آفریدی کے مداحوں میں مایوسی پھیل گئی۔

شاہد آفریدی نے اپنی وطن واپس جانے کی وجہ نہیں بتائی البتہ مداحوں کے لیے ان کے پیغام سے ایسا لگ رہا ہے شاید ان کے گھر میں کوئی مشکل پیش آئی ہے جس کے لیے ان کا گھر میں موجود ہونا ضروری ہے۔مداحوں کی جانب سے شاہد آفریدی کے لئے نیک تمناؤں کا اظہار کیا جارہا ہے۔