گوگل نیوز پر ہمیں فالو کریںکراچی: قومی کرکٹ ٹیم کے سابق اسپنر دانش کنیریا نے اہلِ خانہ کے ہمراہ دیوالی منانے کی تصاویر شیئر کی ہیں۔
سماجی رابطے کی ویب سائٹ ٹوئٹر پر اپنے پیغام میں قومی کرکٹ ٹیم کے کھلاڑی دانش کنیریا نے کہا کہ میں نے اپنے اہلِ خانہ کے ساتھ دیوالی منائی۔ ہمیں اپنی دعاؤں میں ضرور یاد رکھئے گا۔
Diwali celebrations with family! Please remember us in yours prayers 🙏 pic.twitter.com/HPYef7Rbnk
— Danish Kaneria (@DanishKaneria61) November 15, 2020
واضح رہے کہ قومی کرکٹ ٹیم کے سابق ہندو کرکٹر دانش کنیریا کاپورا نام دانش پربھا شنکر کنیریا ہے جو ون ڈے اور ٹیسٹ کے فارمیٹس میں پاکستان کے بہترین لیگ اسپنرز میں شمار ہوتے ہیں۔
دانش کنیریا 2000ء سے 2010ء کے دوران قومی کرکٹ ٹیم کیلئے سب سے زیادہ ٹیسٹ وکٹس لینے والے کھلاڑیوں میں چوتھے نمبر پر ہیں۔ دانش کنیریا نے پاکستان کیلئے 61 ٹیسٹ میچز میں 261 وکٹیں حاصل کررکھی ہیں۔
حیرت انگیز طور پر دانش کنیریا نے ون ڈے انٹرنیشنل میچز میں سے صرف 18 کھیلے اور 15 وکٹیں حاصل کیں۔ ایک ہی اننگز میں دانش کی بہترین کارکردگی 77 رنز دے کر 7 وکٹیں حاصل کرنا جبکہ ایک میچ میں 94 رنز دے کر 12 وکٹیں حاصل کرنا رہی۔
یہ بھی پڑھیں: ”میرے پاس تم ہو“ پر بھونڈے مذاق سے دانش کنیریا غصے میں آ گئے
