علی عظمت کا گانا ”سیونی“ بھارت میں کاپی، گانے کی اصل شکل بگاڑ دی گئی

کراچی: بھارت نے اپنی پرانی روش برقرار رکھتے ہوئے علی عظمت کا مشہور گانا ”سیونی“ کاپی کرلیا، بالی ووڈ کے موسیقار نے پورے گانے کا حشر نشر کرکے رکھ دیا۔

بالی ووڈ میں پرانے سدا بہار گانوں کو ری مکس کرکے برباد کرنے کی روایت آج سے نہیں بلکہ اس سے قبل بھی ابرارلحق کا گانا ”اساں تیری گل کرنی، ”اساں تے جانابلو دے گھر“کو بھی کاپی کیا جاچکا ہے۔

Blending the two eras together; the era of 90s and the era of #ArijitSingh and #JyotiNooran. Listen to the absolute magic #SayoneeSong,the title track of the film Sayonee.https://t.co/BsEX3N1bTa@SayoneeTheMovie #RahulRoy @tanmayssingh9 @musskansethi9

— T-Series (@TSeries) November 3, 2020

ماضی میں بھی استاد مہدی حسن مرحوم اور ملکہ ترنم نورجہاں کے گانے بھی چرا کر اپنی فلموں میں شامل کئے جاچکے ہیں۔ جس پرانے گانے کااب بالی ووڈ کے موسیقاروں نے ستیاناس کیا ہے وہ 90 کی دہائی کا مشہور و معروف گانے ”سیونی ”ہے۔

یہ مشہور گانا پاکستان کے معروف گلوکار علی عظمت نے گایا تھا اور اس میں گلوکار سلمان احمد نے بھی اپنے فن کے جوہر دکھائے تھے۔ علی عظمت کا یہ گانا اپنے زمانے کے مقبول گانوں میں شمار ہوتا ہے۔

ٹی سیریز کی جانب سے سیونی گانے کا ری مکس گانا ریلیز کیا گیا ہے جسے بالی ووڈ کے نوجوان گلو کار اریجیت سنگھ اور جنوتی نوران کی آواز میں ریکارڈ کیا گیا ہے، یہ سیونی نام کی فلم کا ٹائٹل ٹریک ہے جسے کولکی ناڈیا والا نے پروڈیوس کیا ہے۔

تاہم اس گانے کا ریک میک موسیقی کے مداحوں کو ذرا پسند نہیں آیا، اور گانا ریلیز ہوتے ہی اس پر شدید تنقید سامنے آنا شروع ہوگئی تھی نہ صرف پاکستا ن بلکہ بھارتی لوگوں نے بھی اس گانے کو شدید ناپسند کیا اور اسے اوریجنل ٹریک کے ساتھ زیادتی قرار دیا۔

یہ پہلا موقع نہیں ہے کہ بھارتی فلموں میں کسی پاکستانی دھن پر دوبارہ سے گانا تیار کیا گیا ہے ماضی میں تو پاکستانی دھنیں چرا کر بھارتی موسیقار گانے بنالیا کرتے تھے مگر اس بار سیونی کی دھن کو ری مکس کرنے کیلئے باقاعدہ طور پر اجازت لی گئی ہے۔